Dia 28 y 29 di juli 2020 HOPEX (Help Our People Excel) hunto cu Little League Softball Aruba y e camara crew di The Freewinds a organisa un camp di softball pa hobennan di 6 pa 12 aña.

E nomber the Way to Happiness Softball Vacation Softball camp a bin di e trabounan cu ami, Carmelita Haynes, ta haciendo repartiendo e buki The Way To Happiness den nos comunidad. E version pa mucha di e bukinan aki ta “How To Make Good Choices.”

E meta principal di e camp tabata pa nos muchanan no solamente siña e habilidadnan di e deporte di softball en general, pero tambe pa nan siña habilidad di bida. E directiva di HOPEX y LLSA a scoge pa e forma di traha aki pa saca lo miho di nos muchanan. En principio e camp tabata pa mucha muhe so, pero nos a logra forma un grupo di mucha homber pa participa. Danki na e cooperacion di FFD nos a haya uso di Joe Laveist pa e camp aki.

Nos a scoge 3 capitulo di e buki How To Make Good Choices pa trata cu e muchanan:

Cuida bo mes (Covid-19);

Duna un bon ehempel;

Sea competente: (observa, siña y practica).

Nos a incorpora e mini-seminario aki den e schedule di e camp.

E habilidadnan di softball cu a wordo duna ta: fildeo, bunt, bateo, flyballs, pitching, catching and running. E camp tabata uno basico y e muchanan a gosa un mundo e dos dianan aki.

E hobennan di e ekipo di softball Eagles tabata e lidernan di e gruponan cu mester a dirigi y instrui e participantenan di nan grupo den tur e habilidadnan menciona. Nan a haci un tremendo trabou.

E participantenan a demostra respet pa nan trabou, nan a participa 100% y sigui nan instruccionnan. Nos a scoge e lidernan hoben aki pa duna nan e oportunidad di siña con pa ta un bon lider. Nan a wordo instrui prome cu e camp con pa atende cu e muchanan y con pa demostra e habilidadnan na e muchanan. Tambe con nan mester a coregi e muchanan. Pa cualkier problema nos tawata tin 5 adulto pa yuda si por si acaso tin un problema cu un di e muchanan.

Nos ta gradici e lidernan hoben: Myah Thompson, Xiorcaniyx Vargas, Zulaima Croes, Jalliyah Vesprey, Keyla Cham, Ashmilayne Maduro, Destiny Johnson , Sharleymis Sparen, Shareldin– Krosendijk, Yee Mei Cheong y Anchell Statie.

E siguiente coachnan tambe a hasi un tremendo trabou, Glenda Thomasia, Marina Haynes, Carmelita Haynes, Yolanda Gumbs, Tony Rombley y Caluda Poulina. Danki na boso cu e camp a bai sin problema.

Un danki special na e camara crew di Freewinds cu a filma henter e evento aki y a percura pa cada participante haya nan potret y hopi mas potret como recuerdo di e camp aki. Roberto, Maria Elena, Pablo y Andres a haci un tremendo trabou y a sa di capta nos muchanan den acción. Tambe Freewinds a percura pa nos tin e buki “The Way To Happiness” na Papiamento y How To Make Good Choices pa reparti pa nos muchanan y pa nan hiba cas Pa esnan interesa den e bukinan aki por subi www.thewaytohappiness.org y haya copia di e bukinan aki of lesa nan online. Pero pa e bukinan na Papiamento por contact Carmelita Haynes na 594-0221 pa haya bo copia gratis.

 

 

LEAVE A REPLY

Please enter your comment!
Please enter your name here