HOBE SOUND, FLORIDA - MAY 24: Tiger Woods plays his shot from the 13th tee during The Match: Champions For Charity at Medalist Golf Club on May 24, 2020 in Hobe Sound, Florida. (Photo by Mike Ehrmann/Getty Images for The Match)

PGA Tour a bolbe cinco siman pasa cu algun di su camponan mas fuerte. Awo e ta haya su strea di mas grandi. Tiger Woods a anuncia diahuebs riba Twitter cu e lo hunga otro siman na e Memorial, un torneo cu el a gana cinco biaha, mientras e ta bay pa e record di su di 83 victoria den PGA Tour.

E lo termina un break di competencia di cinco luna di Woods. El a hunga pa ultimo biaha dia 16 di februari na e Genesis Invitational, unda el a shoot 77-77 na chilly Riviera pa termina su so den ultimo luga.

Woods a bisa cu el a sinti ‘stiff’ den clima friu. El a scoge pa no bay Ciudad de Mexico pa un Campeonato Mundial di Golf, despues a keda ausente di tres torneo consecutivo na Florida prome cu a stop golf pa motibo di pandemia di coronavirus.

Su unico competencia tabata un exhibicion dia 24 di mei na su curso na Florida, cu Peyton Manning como su partner contra Phil Mickelson y Tom Brady.

E Tour a reanuda dia 11 di juni na Colonial na Fort Worth, Texas y mayoria di siman a trece un nivel di speculacion cu Woods lo hunga. El a contempla yega na Muirfield Village pa e Workday Charity Open, un evento cu ta reemplasa e John Deere Classic cancela, pero na final a warda te e segundo siman na Memorial. Esaki lo dun’e sikiera un cuminsamento, y posiblemente dos, si e hunga un Campeonato Mundial di Golf na Tennessee, prome cu bay den e prome major di e aña reconfigura.

Woods a bisa na april cu e tabata cla pa bay pa e Masters te cu a pospone esaki pa motibo di coronavirus. E Masters awo ta programa pa dianan 12-15 di november, cu Woods como campeon defensor. PGA Championship ta dianan 6-9 di augustus na Harding Park na San Francisco, unda Woods a gana un Campeonato Mundial di Golf na 2005. US Open na Winged Foot ta programa pa dianan 17-20 di september.

LEAVE A REPLY

Please enter your comment!
Please enter your name here