Nantes players wear jerseys showing Argentinian player Emiliano Sala in La Beaujoire stadium as they train before the French soccer League One match Nantes against Saint-Etienne, in Nantes, western France, Wednesday, Jan.30, 2019. Sala disappeared over the English Channel on Jan. 21, 2019 as it flew from France to Wales. Sala had just been signed by Premier League club Cardiff. (AP Photo/Thibault Camus)

E prome wega di Nantes desde e desaparicion di e delantero Argentino, Emiliano Sala, a wordo para despues di 9 minuut ayera, pa asina fanaticonan por a aplaudi y grita e nomber di e hungado perdi.

E fanaticonan a grita pa basta largo su nomber, “Emiliano Sala, Emiliano Sala, Emiliano Sala’, rond di e stadion, durante e wega contra Saint-Etienne, durante un break extendi di e wega. E ex- delantero di Nantes, kende a bisti e camisa #9, ta perdi desde cu un avion transportando su persona na e ciudad Gales di Cardiff a disparce dia 21 di januari ultimo. Sala recien a wordo firma pa e club di Premier League, Cardiff, pa un suma record pa e club.

Prome cu e wega, e tension emocional tabata grandi, cu hungadonan bistiendo t-shirt cu e frase ‘On T’aime Emi’ (Nos Stima bo, Emi) skirbi riba e lomba. Un potret gigante di Sala a wordo proyecta riba e centro di e campo, y un bandera grandi di Argentina a wordo poni den e publico. E ekipo completo di Nantes a forma un cirkel algun momento prome cu e wega a cuminsa, mientras e coach Vahid Halilhodzic tabata papia cu e hungadonan. Saint-Etienne tambe a paga nan tributo.

Ex- compañero di Nantes, Yacine Bammou, kende awo ta hunga pa Caen y tabata cercano cu Sala, tabata presente na e stadion, y imagennan di television a mustr’e cu lagrima den wowo prome cu e partido. Durante e prome mita, fanaticonan di Nantes a grita sin para pa Sala, cu e refran “Emiliano, Emiliano”. Ayera, investigadonan di accidente a bisa cu dos cusinchi di asiento a wordo haya, cu probablemente ta bin di e avion di Sala y e piloto. Nan ta e prome rastro di e avion cu a wordo haya desde cu el a disparce riba e Canal Ingles. Sala a bay bek na Francia pa despedi di su ex- compañeronan di Nantes, y despues a tuma un vuelo bek anochi.

Sala tabata den e miho forma di su carera, anotando 12 gol den liga den 19 wega pa Nantes e temporada aki. E tabatin un bon relacion laboral cu Halilhodzic, un di e miho delanteronan den historia di Nantes. E buskeda pa Sala y e piloto a wordo para, despues cu tres dia di un operacion den aire y marino cerca di e Channel Islands no a logra localisa e avion, hibando na critica – incluyendo di Halilhodzic – y poniendo famia di Sala recauda fondo pa un buskeda priva.

Awo, autoridadnan Britanico ta bisa cu nan contraparte Frances a haya parti di dos cushinchi di asiento riba un beach cerca di Surtainville, na nort west di Francia, y un barco a wordo encarga di conduci un buskeda den e fondo di lama cuminsando e weekend aki.