FILE - In this May 2, 2015, file photo, Paralympian Angela Madsen, left, works with Los Angeles Unified School District students during Ready, Set, Gold! Day at Trinity Street Elementary in Los Angeles. A three-person crew left the Hawaii Yacht Club Wednesday, July 29, 2020, to search for the craft piloted by Angela Madsen, who died in the Pacific Ocean last month, The Honolulu Star-Advertiser reported Thursday. (Photo by Matt Sayles/Invision for Samsung/AP Images, File)

Un tripulacion di nabegacion a embarca for di Honolulu den un mision pa localisa y recupera e boto di un atleta Paralimpico kende a fayece mientras tabata intenta di rema su so for di California pa Hawaii.

E tripulacion di tres persona a laga e Hawaii Yacht Club diaranson pa busca e barco nabega pa Angela Madsen, kende a fayece den Ocean Pacifico luna pasa, segun Honolulu Star-Advertiser a reporta diahuebs.

Madsen a cumpli 60 aña na mei, durante e intento pa crusa, cual a cuminsa na Marina del Rey, California. Warda Costa Mericano a localisa su curpa dia 22 di juni, dos dia despues cu Madsen a manda un mensahe bisando cu e tabatin plan pa drenta awa pa haci un reparacion.

E mision di capitan Russ Jonson y miembronan di su tripulacion Jane Clark y Jackie Troller por dura dos siman mientras nan ta busca boto di Madsen, cual ultimo a wordo mira mas di 1,384km for di Hawaii.

Boto di Madsen, Row of Life, tabatin dos transmisor cu a manda un ubicacion final diabierna prome cu a keda trapa den horcan Douglas. E tripulacion ta spera di pasa cinco dia abordo di boto di bela di Johnson, Blue Moon, prome cu yega na e luga unda probablemente por haya e boto di Madsen.

Johnson a calcula cu nan lo mester di tres dia pa haya Row of Life y mar’e na Blue Moon, y despues cinco dia of mas pa lastra e boto di 5.8m bek na Diamond Head na Honolulul, unda Madsen tabatin plan pa termina su biahe.

Despues di un cirugia di lomba na 1993, Madsen tabata forsa pa usa un rolstoel.

El a competi tres biaha pa Merca den Paralimpiada, ganando un medaya di brons den e shot put na 2012 y kedando na di shete luga cu su partner di remo na 2008.

Madsen tabata intentando converti den e prome muhe paraplegico y esun di mas bieu pa rema a traves di Ocean Pacifico.

Esposa di Madsen, Debra Madsen, a presencia e salida di e tripulacion for di Hawaii Yacht Club, cual a yuda organisa e mision. Un di e metanan principal ta recupera obhetonan personal cu a keda riba Row of Life, incluyendo un video diario di e biahe.

“Tin hopi riba e boto ey”, Debra Madsen a bisa. “E ultimo 60 dia di su memorianan.”

LEAVE A REPLY

Please enter your comment!
Please enter your name here