Qatar's forward Almoez Ali eyes with ball during the AFC Asian Cup semifinal soccer match between United Arab Emirates and Qatar at Mohammed Bin Zayed Stadium in Abu Dhabi, United Arab Emirates, Tuesday, Jan. 29, 2019. (AP Photo/Hassan Ammar)

Despues di no a logra gana un luga den e final di e Cup Asiatico awe, e anfitrion Emirato Arabe Uni a lansa un campaña pa descualifica su rival regional, acusando nan di pone hungadonan riba caya cu no tabata eligibel na e torneo, den un protesta cu matiz politico.

E acusacion ta añadi un capa mas na e progreso politicamente carga di Qatar na e final di e torneo continental di futbol na UAE, cual ta parti di un cuarteto di paisnan cu ta boycott Doha diplomatica- y politicamente.

Tabatin un reaccion di rabia for di e publico local na Abu Dhabi diamars, mientras UAE a wordo elimina durante e semifinal, cu sapato tira riba hungadonan Qatari despues cu e delantero Almoez Ali a anota su segundo gol pa un victoria 4-0.

E federacion di futbol di UAE awo a cuestiona si Ali, liderando e torneo cu 8 gol, y Bassam al-Rawi ta cumpli cu e rekerimentonan di nacionalidad di FIFA pa hunga pa e pais anfitrion di e Mundial di 2022, ya cu nan a nace fuera di Qatar. Al-Rawi tabata suspendi pa e semifinal pa motibo di booking, pero lo hunga den e final.

E sancion maximo lo mira Qatar perde e final como un perdidad 3-0, segun reglanan di AFC, locual lo descualifica e pais di hunga contra Hapon awe den e final. Hungadonan por hunga pa e ekipo nacional di un pais otro cu esun natal, si nan cumpli cu e rekisitonan di FIFA. Esey ta inclui tin un mayor of welo biologico naci den e pais, of biba na e pais continuamente pa un minimo di cinco aña despues di a cumpli 18 aña di edad. Al-Rawi, di 21 aña di edad, kende tambe a hunga pa Qatar durante e Mundial U-21 na 2015, ta yiu di un ex- internacional di Iraq. Ali, di 22 aña di edad, ta wordo lista como naci na Sudan, pero esaki no por a wordo verifica.

Door di gana e derecho di anfitrion pa e mundial di 2022 na 2010, Qatar tabatin hopi tempo pa purba di busca e hungadonan pa sigura un ekipo competitivo. E ranking di e ekipo a cambia entre #78 y #112 den e ultimo decada, y nunca a logra cualifica pa un Mundial. Tanto Ali como Al-Rawi a gradua di e academia di training vanguardista Aspire na Doha, cual a wordo uza pa desaroya talentonan hoben, hopi di nan cu a nace pafo di Qatar, un nacion di apenas 330,000 ciudadano.