Kamaru Usman a pusha Jorge Masvidal contra e cage na UFC 251. El a dal Masvidal cu su schouder, trapa riba su pia y basha golpinan fuerte na su curpa.

Cu apenas un siman di aviso pa un oponente nobo, strategia di Usman tabata cla: pusha y desgasta Masvidal. Y esey a traha completamente. Usman a derota Masvidal pa decision unanime (50-45, 50-45, 49-46) den e evento principal di UFC 251 ayera mainta na Abu Dhabi, Emirato Arabe Uni. Cu e victoria, Usman a retene su titulo UFC Welterweight.

E pelea Usman vs. Masvidal a keda prepara den apenas ocho dia. E oponente programa pa Usman, Gilbert Burns, a test positivo pa coronavirus dia 3 di juli ultimo, apenas algun ora prome cu e charter di UFC tabata programa pa sali di Las Vegas rumbo pa Abu Dhabi. Durante weekend festivo di Fourth of July, UFC a logra yega na un acuerdo cu Masvidal pa bringa pa e titulo di 170lb como un reemplaso.

“Masvidal ta e mas grandi, mas malo cu tin eyfo awendia”, Usman a bisa Jon Anik despues di e pelea. “Mi mester a haci un cambio mental. Mi a train pa Gilbert. Mi tabatin un plan completamente diferente.”

Despues di e encuentro, ambos a mustra respet pa otro.

E pelea a tuma luga na e recien construi Flash Forum na Yas Island, cual UFC a nombra ‘Fight Island’ pa su racha di evento un luna largo. E facilidad ta paden di un ‘zona safe’ entre pandemia di coronavirus, unda unicamente esunnan cu a haci varios test pa COVID-19 ta permiti pa yega.

E di 12 victoria consecutivo pa Usman ta empata cu campeon lightweight Khabib Nurmagomedov pa e racha campeon activo di mas largo den UFC. Esaki tambe ta empata Georges St-Pierre pa e racha mas largo den historia di UFC welterweight.

LEAVE A REPLY

Please enter your comment!
Please enter your name here