Celtic fans wave flags ahead of an Europa League group E soccer match between Lazio and Celtic, in Rome's Olympic Stadium, Thursday, Nov. 7, 2019 (AP Photo/Gregorio Borgia)

Alrededor di 100 fanatico tabata involucra den un pelea na Ucrania prome cu un wega di Liga Europa, mientras cu na Roma, fanaticonan di Lazio a hinca dos fanatico di Celtic prome cu nan partido di e mesun liga.

Polis Ucraniano a bisa cu a detene 12 persona involucra den un pelea entre alrededor di 100 fanaticonan prome un wega di Liga Europa. E incidente a tuma luga diaranson laat, un dia prome cu e club Frances, Saint-Etienne, mester a enfrenta Olexandriya na Lviv ayera.

Polis ta bisa cu fanaticonan Ucraniano, Frances y Aleman tabata involucra den e pelea. E pelea a stop despues cu varios unidad di polis a yega na e escena cu emergencia. Polis a detene cuater persona local di Lviv, di edad entre 20 pa 22 aña, y ocho stranhero. Dos oficial di polis a resulta herida.

Den un incidente separa, dos fanatico di Celtic a keda hinca pa sostenedonan di Lazio, y mester a keda hospitalisa prome cu e partido di Liga Europa di e teamnan.

Polis Italiano ta bisa cu e hincamento a tuma luga na Roma despues di un pelea pafo di un bar. Polis tambe a bisa cu a stop dos fanatico di Celtic, kende a resisti polis, y un di tres fanatico a keda deteni pa actonan obsceno.

Ademas, cinco fanatico di Lazio a keda deteni pa posesion di material peligroso, manera bat di baseball y cuchiu, na un evento cu fanaticonan di ambos club.

Tabata spera cu alrededor di 9mil fanatico di Celtic lo presencia e partido na Stadio Olimpico.

Un parti di e stadion di Lazio lo ta cera pa e partido, como castigo di UEFA pa incidentenan racista na un wega anterior contra Rennes.

UEFA tambe a habri casonan disciplinario contra Celtic y Lazio, despues cu fanaticonan a intercambia gestonan fascista y anti- fascista durante e victoria 2-1 di Celtic na Glasgow luna pasa.

 

LEAVE A REPLY

Please enter your comment!
Please enter your name here