Awe madruga relaciona cu un investigacion andando a detene un homber di nacionalidad Colombiano di inicial LFVH di 34 aña.
LFVH ta wordo sospecha di a atraca un establecimiento den area di Madiki na juni 2017. Ta considera e homber sumamente peligroso. Pa es motibo a hasi uzo di arrestatie team pa detene e sospechoso aki. E detencion a tuma luga den un complejo di apartamento den Bilderdijkstraat. Ta posibel cu mas detencion lo por bay cay relaciona cu e caso aki, segun polis. Pa Cuerpo Policial por resolve mas caso cooperacion di pueblo di Aruba ta hopi importante pesey polis ta pidi pueblo si tin cualkier informacion yama nos tiplijn: 11141.
