Cinco amigo di Argentina tabata algun di e victimanan den e atake cu un truck na Manhattan, New York diamars. Ocho persona a perde nan bida anto 11 persona a keda seriamente herida, ora cu un chauffeur di truck a dal den un grupo di hende riba e area di ciclista. Un homber di 29 aña di edad, aparentemente un imigrante di Uzbek, a wordo tira door di polis mientras cu e tabata purba scapa.
Gobernador di New York Andrew Cuomo a bisa CBS cu un nota a wordo haya paden di e truck referiendo na e grupo militante Islamic State (IS). E sospechoso, cu media a bisa yama Sayfullo Saipov, supuestamente lo a grita ‘allahu akbar’ (dios ta e esun mas grandioso) mientras cu el a bandona e truck.
Autoridadnan ya caba ta clasifica esaki manera un atake terorista – esun di mas pisa desde 11 di septembebr 2001.
Fuente: BBC
