Dies districto ta participa na e experimento cu marihuana, pa loke ta e maximo cu a palabra den acuerdo di gobernacion.
Bou di e districtonan participante tin entre otro Tilburg, Almere y Breda segun fuentenan. E intencion ta pa start e prueba den 2021. Un comision bou di profesor Knottnerus ta bini cu un conseho cu e lista completo di districtonan cu ta participa y ta spera cu gabinete ta sigui e recomendacion. Actualmente plantacion y entrega di cannabis na coffeeshop ta prohibi y ta tolera benta bou di condicionnan.
Den acuerdo gobernacion tin para cu por haci experimentonan cu cultivacion di marihuana den 6 pa 10 districto. Gabinete ta scoge 10. Tabata conoci caba cu e 4 ciudadnan di mas grandi no ta participa. Nan no ta di acuerdo cu tur coffeeshop den e districto mester participa. E asina yama marihuana di estado tabata iniciativa di D66. Meta di e experimento ta pa investiga con por controla calidad di marihuana entrega na coffeeshop. Den esaki ta wak e efectonan di criminalidad, siguridad, molester y salubridad. Tweede Kamer a bay di acuerdo cu e ley pa regla e prueba. Eerste Kamer mester vota ainda riba e proposicion.
