Tin 10 morto y 17 persona criticamente herida despues di un
accidente entre 2 trein Diamars mainta den e cuidad di Bavaria na Alemania.
Segun Polis, tabata tin 150 pasahero, di cual 63 a sufri di heridanan menor. E accidente a pasa un tiki prome cu 7or di mainta.
Minister di Transporte na Alemania, Alexander Dobrindt, a bisa cu:
‘’Tin un birada hopi skerpi caminda nan a boks, nos ta asumi
cu e chauffeurnan no a mira otro na tempo ora cu nan tabata acercando’’,
Un di e treinnan a ‘’drill’’ anto drenta den e otro banda, Dobrindt ta sigui bisa, ‘’esaki a laga un di e garoshinan completamente desmantela’’
‘’Esaki ta algo hopi scur pa e departamento di trein na Alemania’’ Dobrindt ta agrega cu e accidente aki ta esun di mas grandi cu nan a haya te ainda.
Ainda no ta conosi exactamente con esaki por a pasa, pero e investigacion actualmente ta concentrando riba eror tecnico, humano of di infrastructura.
Otro factornan manera terorismo no ta algo cu nan ta considera manera un causa.
Source: CNN
