(NLTimes) – 14 municipalidad na Hulanda a implementa un prohibicion completo na klapchi e aña aki, prome cu celebracionnan di fin di aña. Den 12 di e municipalidadnan aki, e prohibicion ta permanente, nificando cu esaki ta extende na e proximo añanan binidero tambe, segun NU.nl.
Durante e pandemia di coronavirus, klapchinan a ser prohibi rond di e pais pa evita cu hospitalnan lo keda abruma cu personanan cu a keda herida pa causa di kalpchi. Sinembargo den aña 2022, e prohibicionnan aki ta den cierto municipalidadnan so segun NOS.
Awo, algun di e municipalidadnan a cuminsa tuma accion contra di klapchi pa causa di dañonan potencial, heridanan y e strobamento cu nan por causa, segun Nu.nl. Amsterda, Rotterdam, Schiedam, Haarlem, Bloemendaal, Heemstede, Apeldoorn, Nijmegen, Heumen, Mook en Middelaar, Soest y Utrechtse Heuvelrug ta e 12 municipalidad cu a introduci un prohibicion permanente.
Ademas, mas o menos 70 municipalidad a crea zona liber di klapchi segun Nu.nl. Esakinan hopi biaha ta den areanan manera scolnan, casnan di cuido of misanan.
Ta aparenta cu proximo aña, varios municipalidad lo uni na e prohibicion aki. Un encuesta di maart a mustra cu 65 porciento di alcaldenan ta na fabor di un prohibicion, demostrando un moda cu ta creciendo, segun NOS. Varios partido tambe ta trahando na un nivel nacional pa institui un prohibicion den henter e pais pa cu klapchi, recursonan cu hopi municipalidadnan ta bia cu nan no tin.
Varios di e municipalidadnan cu a prohibi klapchi lo ofrece shownan di luz y klapchi oficial na luga di esaki, segun Nu.nl. Ademas, cierto categorianan di klapchi manera F1 si lo keda permiti den algun municipalidad.
