20 aña di castigo di prizon pa asesino di Lalo Webb

Corte di Husticia Aruba

Relaciona cu caso di asesinato cruel di Lyandro “Lalo” Webb, awe hues a dicidi pa duna sentencia di 20 aña di castigo di prizon na E.H. (Hereira). Fiscal a exigi 22 aña pero hues a condena e agresor cu 20 aña. Segun informacion di Ministerio Publico, Corte a haya cu a keda comproba cu Hereira a mata e homber L.A.W. riba 19 di maart 2015 cu un tiro den cabes. Hues a papia awe di un likidacion.

Ministerio Publico su exigencia tabata di 22 aña.
E caso contra e sospechoso H. a wordo trata den su contenido riba 9 di December 2016 y 19 di April 2017. Riba 29 di December 2016 huez a dicta un tussen vonnis. Esaki a encera dos opdracht pa Ministerio Publico. E prome opdracht tabata cu Ministerio Publico ta laga scucha e persona sospecha di a duna ordo pa e asesinato, e homber N.R.R., den prison na Hulanda tocante su rol specifico. E otro opdracht tabata cu ta haci investigacion riba telefon di e sospechoso. Ministerio Publico a presenta e resultadonan di e dos opdrachtnan aki na Corte durante e tratamento di 19 di April 2017. E homber W. a wordo haya morto sinta den un auto banda di Indian Rock Garden na Hooiberg riba 19 di maart 2015. Aunke e asesinato aki tabata relaciona cu e participacion di tanto e mes como e homber N.R.R. na gangnan criminal, e sospechoso H. no tabata forma parti di ningun di e dos gangnan aki. E tabata envolvi como sicario. H. semper a insisti cu e ta inocente, pero tanto Ministerio Publico como Corte ta di opinion cu ta e ta e autor di e asesinato di e victima W.

 

 

 

You May Also Like

Lider di partido RED Ricardo Croes menasa cu morto

Bon Dia Aruba a tuma contacto cu lider di partido Red Democratico Ricardo Croes ...

Persona herida den accidente di auto na Savaneta

Diamars atardi riba e caminda patras na Savaneta na e pumpstation bin ariba a ...

Homber cansa ta sali di bar y dal den pal’i lus causando basta daño material

Diaranson apenas 4’or di madruga ta drenta informacion cu tin un SUV cu a ...

Turista a kibra auto di huur den accidente riba crusada

Den careda di 11:45 mainta na e crusada di Weststraat y Rudolfarendstraat dialuna a ...

Polisnan cu control grandi na San Nicolas a detene varios persona

Relaciona cu e actividad di Caiso & Soca na Carnival Villlage for di diasabra ...

Turista femenino asalta y horta na lama dilanti Hilton Hotel

Diadomingo marduga un turista femenino a dicidi di bay den lama un rato pa ...