Segun resumen diario di Departamento di Salubridad Publico DVG riba desaroyonan di pandemia di coronavirus na Aruba, ayera tabatin 169 caso activo di Covid-19, e malesa causa pa e virus SARS-CoV-2.

DVG tambe a informa cu ayera no tabatin ningun persona cu a recupera, mientras cu si a registra 13 caso nobo di Covid-19, di cual dos no ta residente. E cifranan aki ta representa un tasa di positividad entre nos residentenan di 12 porciento. E cantidad di fayecido ta na 169 despues cu riba diahuebs a registra morto di un persona mas.

Datonan di DVG ta ilustra casonan nobo di Covid cu un averahe semanal di 13 caso pa dia y un averahe di tasa di positividad semanal di 9 porciento pa dia.

Actualmente na Aruba tin 18 persona interna pa Covid, di cual 7 ta den Unidad di Cuido Intensivo (ICU) y 11 ta hospitalisa riba piso general. Ademas na Colombia tin 18 pashent di Aruba den ICU.

LEAVE A REPLY

Please enter your comment!
Please enter your name here