Segun resumen di ayera di Departamento di Salubridad Publico DVG relaciona cu e desaroyonan di e pandemia di coronavirus na Aruba, ayera tabatin 17 persona interna den hospital Dr. Horacio Oduber pa ricibi tratamento pa e malesa causa pa e virus SARS-CoV-2.

Segun informacion di hospital, di e 17 persona interna, 4 ta den Unidad di Cuido Intensivo ICU mientras cu 13 ta isola riba unidad general di covid.

Ademas, DVG a informa cu ayera 11 persona a recupera di Covid-19, mientras cu a registra un total di 12 caso nobo, di cual 4 no ta reisdente. Cu esaki, e casonan activo pa ayera a keda na 95, mientras e cantidad di fayecido no a conoce aumento y a keda na 104.

E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 628 test. Tasa di positividad (‘Positivity rate’) entre nos residentenan ta 15 %.

LEAVE A REPLY

Please enter your comment!
Please enter your name here