Dia di Himno y Bandera ta un momento pa recorda y ta agradecido cu e heroenan y mentenan creativo cu a regala nos nos propio Himno y Bandera Arubano.
Betico Croes
Tata di nacion Arubano y libertador manera e ta conoci, Betico Croes tabata activo den organisacionnan Caribense mientras e tabata studia na Hulanda. Betico tabata un persona social, tabata practica deporte y tabata participa den comunidad social y cultural. El a traha como maestro y a institui e escudo, bandera y himno oficial pa nos isla. Durante Conferencia di Mesa Rondo na 1981, e tabata responsable pa formalmente pone e fecha pa Status Aparte di Aruba. Betico tambe a bira lider di MEP, awo e partido mas grandi cu ta compone e gobierno actual, eligi na september 2021.
Croes mes no a logra disfruta e resultado di su lucha; e tabata involucra den un accidente di auto dia 31 di december 1985, y a bay den coma. El a fayece dia 26 di november 1986. Pa pueblo Arubano, su palabranan nunca lo wordo lubida: ““Si mi cay na caminda, gara e bandera y sigui cu e lucha.”
J.H.A “Henny” Eman
Henny Eman tabata e prome pa lidera e movemento separatista riba e isla. E tambe tabata fundador di un di e partidonan mas grandi awendia, AVP. Durante su carera, el a boga fuertemente pa separacion for di e poder central na Corsou, y pa representacion igual pa Aruba. E tabata miembro di Corte di Politica Arubano, y despues a keda electo den Raad van State.
Durante su careda, el a ehecuta proyecto manera waf di Oranjestad y Aeropuerto Prinses Beatrix.
Juan Chabaya “Padu” Lampe y Rufo Wever
Padu Lampe y Rufo Wever ambos tabata grandinan musical riba nos isla, siñando y tocando musica di un edad trempan. Na 1976, Conseho Ehecutivo di Aruba a nombra un comite pa crea un himno pa e isla. “Aruba Dushi Tera” incialmente tabata skirbi pa Lampe y Wever, y ya tabata conoci dos decada prome. E comite a scoge pa mantene e melodia di e cantica, pero a agrega mas verso. E ultimo verso di e cantica cu a keda aproba como himno nacional di Aruba dia 18 di maart 1976, tabata skirbi pa Hubert Booi.
