Willem Holleeder e persona cu tabata envolvi den secuestro di Heineken (Freddy Heineken) na 1983, aworaki tin un otro acusacion contra di dje. Segun Ministerio Publico di Hulanda aworaki Sr. Holleeder ta wordo acusa di ta planiando pa mata su dos ruman muhe Astrid y Sonja y un tercer persona Peter de Vries kende ta un periodista specialisa den analisa crimennan.
Segun OM nan ta basa e informacion aki for di declaracion di presonan cu Sr. Holleeder a anda cun’e e ultimo lunanan den prizon na Vught. E testigo lo a ricibi un number di telefon cu un code cu e mester a duna via telefon, cual e ta bisa cu e no a haci. Ta supone cu Sr. Holleeder ya lo mester a prepara placa pa haci pago den caso cu e plan a wordo realisa. E personanan cu lo mester a comete e crimen di ehecuta e tres personanan ta sospecha di ta 2 miembro di e gang di Corsow No Limit Soldiers. Holleeder mes a nenga di ta envolvi den e acusacion ariba menciona. E abogado di Holleeder a bisa cu un di e presonan cu a haci e declaracion kier wordo manda bek Corsow, y cu ta buscando pa yega na un acuerdo pa esaki. E investigacion ainda no ta cla, p’esey OM ta papia di ‘sospecho’.
Lesa e articulo completo riba pagina di fuente: Nu.nl
