Dialuna anochi patruya di Noord a bay Boegoeroei pa un asistencia caminda cu lo tin un homber indesea na e cas. Na momento cu oficialnan a bay pa atende e persona, cos a bay for di man ya cu e homber a pasa man pa un bloki y cuminsa agredi un di agentenan na su cabes.

E otro agente policial a opta pa uza su arma y a tira e agresor na su cabes. Mientrastanto ambulance a presenta hunto cu mas unidad policial. E polis fam Ruiz a bay cu urgencia hospital pero a bin fayece un rato despues. E agresor tambe a fayece na e sitio.

Mas informacion lo sigui den edicion di mayan di nos matutino Bon Dia Aruba.