Na e momento aki pa un cas averahe di 200m2 bay full “Off-Grid”, cu su mesun sistema di bateria, energia solar, y haci e full e cas energie-zuinig lo costa por lo menos 46.000,- florin si no ta mas. Na 2025, e periodo pa saca placa back (periodo di payback) pa un inversion asina ta 9 aña.

Debi na e gastonan halto y un periodo di payback toch bastante largo, e no ta un inversion echt obvio na e momentonan aki. Pero tur esaki lo cuminsa cambia rond 2035. Segun proyeccionnan di Goldman Sachs y otro banconan grandi di inversion, nos lo wak prijs di bateria baha for di $115 di awo, pa cu $60 per Watt pa 2035, tambe prijs di panel solar lo sigui baha. Usando un modelo avansa di un combinacion di DeepSeek 2.0 & Claude 4.0, nos ta modela cu pa 2035, pa bay full “Off-Grid” lo costa mas o menos 35.000,- y tin un payback di 7 aña, cu un LCOE di 19 cen di Florin per kWh, cual ta 45% mas barata cu Elmar dia di awe.

Por purba slow Innovacion, pero semper e ta sali gana

E unico rason cu nos mester di Elmar ainda, ta pasobra e kosten-en-baten di bay full “off-grid” no ta alcansabel ainda pa pueblo, na su prijs di casi 50.000 florin y cu un return-on-investment di 11% pa aña so na 2025. Pero pa simplemente haci manera tecnologia no lo avansa den forma radical e añanan aki cu ta bin, ta nos cultura di avestruz Arubiano. Segun proyeccionnan di Goldman Sachs prijs di bateria y energia solar ta bay cay den forma radical e añanan binidero.

Si nos tuma esaki na cuenta segun un modelo hopi sofistica di DeepSeek 2.0 cu ta inclui cosnan manera mantencion, reemplaso di bateria, reemplaso di inverter, y mas nos lo wak cu na aña 2035, un sistema di haci cas energie-zuinig, solar panel y bateria, lo sali mas o menos 35.000 florin, lo produci coriente 45% mas barata cu e tarifa di Elmar durante su 25 aña di servicio y lo brinda un besparing total di 70.000,- Florin Arubiano durante e periodo aki.

Riba plaso strategico tur esaki lo beneficia Aruba

Manera mi a indica den varios analisis, ta nos vulnerabilidad na prijs di crudo ta algo cu ta fastioso pa habitante, comerciante y mas importante strategicamente pa nos reservanan monetario. Debi na tur esaki, mester acelera nos transicion pa full energia renovable cu energie-zuinigheid mas hopi y pronto cu ta posibel. Pero ta parce mi hopi obvio despues di 3 aña ta skirbi esaki publicamente, cu Gobiernonan ta prefera di beneficia un grupo chikito di empresanan estatal mas cu henter e pueblo Arubiano. Un Gobierno t’ey pa pueblo, no pa “special interest groups”.

Bezig ta wak tur cos ban stimula e tendencianan aki mas hopi cu ta posibel, pasobra eigenlijk ta hopi laat caba.