Dilanti e costa di Bahamas un cantidad di por lo menos 28 persona di Haiti ta perde nan bida na momento cu e boto a sink cu nan. Esaki a pasa durante e weekend tras di lomba.
Tabata despues cu ciudadanonan di Bahamas cu ta residencia na e isla di Great Abaco a bin topa cu 4 curpa sin bida, a bati alarma y un buskeda a cuminsa. Mas o menos 10 kilometer leu di e costa a bin haya e boto cu a sink cu den y rond di dje 24 curpa sin bida. Tambe a haya te na e momento aki 17 otro persona cu si tabata na bida. Kico exactamente a pasa cu a pone cu e boto a sink no ta conoci.
Na 2018 autoridad di Bahamas a gara un poco mas cu 300 persona cu ta bin di Haiti y ta purba drenta e pais di forma ilegal.
Potret ta cortesia di archief di e fuente NOS.nl.
