Segun resumen semanal di Departamento di Salubridad Publico (DVG), den ultimo siman a registra un total di 718 caso nobo di Covid-19.
Igualmente DVG a informa cu 687 persona a recupera di e malesa. E cantidad di caso activo di Covid-19 te cu diabierna ultimo ta 326, y e cantidad di fayecido relaciona cu Covid-19 ta 213.
Datonan di DVG ta ilustra casonan nobo di Covid-19 cu un averahe semanal di 103 caso positivo pa dia, y un averahe di tasa di positividad semanal di 42 porciento pa dia. E tasa di positividad ta duna indicacion cu tin hopi mas hende cu ta contagia di e malesa, pero cu no ta haci test pa detecta.
Actualmente na Aruba tin cuatro persona interna cu of debi na Covid-19, di cual tur ta riba piso general. Actualmente no tin ningun pashent di Aruba hospitalisa na Colombia pa Covid.
