(AFP)—Di Lego bayendo den guera pa e peligronan di no double check…aki ta bo set di noticianan straño di siman rond mundo.
Apenas 642 km leu
Bo mester sinti malo pa e fanatico di Barcelona cu a biaha bay Inglatera pa mira su equipo di futbol hunga contra Newcastle den Champions League djis pa descubri despues cu el a bay e St. James’ Park robes.
En bes di bay e cas legendario di Magpies den noordoost, el a haya su mes su so pafo di St James’ Park na Exeter na otro banda di Inglatera, casi 600 kilometer y un mundo leu den prestigio di futbol.
“Mi ta sospecha cu el a pone St James’ Park den su telefon y a djis sigui e direccion di unda e tabata,” segun oficial di club Exeter City. “E tabata basta desapunta y tabatin un poco berguensa. Pues nos a regla un ticket p’e,” y el a mira Exeter perde 0-1 contra Lincoln City.
Pero su biahe no tabata completamente en vano. Un cadena di optico ta buscando e pa e por aparece den un di nan propaganda.
Lego ta bay guera
Mayornan sa e dolor cu Lego por haci bo ora bo trapa riba dje, pues nos no ta sorprendi cu Teheran a transform’e den un arma di guera. Cu Merca y Israel asotando e Republica Islamico, Iran a ataca back cu un video corto satirico di “The Lego Movie” cu a entrega mas golpi cu un tormenta di miles drone.
E video di dos minuut, cual ta haci bofon di Donald Trump y Benjamin Netanyahu, a haya un cantidad di likes por medio di bira e uso liberal di e AI di e Cas Blanco pa glorifica Trump back riba dje.
Pero esnan cu ta biba pa Lego tambe por muri di dje.
Simpatisantenan di Trump a ataca back cu un meme di lider supremo difunto di Iran, ayatollah Ali Khamenei, kibra den piesanan di Lego.
Miho amigonan
Hasta den temponan scur, amor ta haya un manera pa destaca.
Turkia y Spaña ta den e prome etapa di un romance den guera despues cu prome minister Pedro Sanchez a nenga di laga Merca usa basenan Spaño pa ataca Iran, repetidamente publicando “No na e guera.”
Turkia a elogia su desafia di Donald Trump su menasa pa corta tur comercio, unda fanaticonan di futbol a canta “Ole!”
Red social tabata yena cu memes di amor, un mustrando wolfnan—representando Turkia—coriendo cu jackals (Merca y Israel) atacando e toro orguyoso di Spaña.
E reputacion di Spaña a sigui briya ora su trupanan trahando riba un bateria interceptor na Turkia a yuda stroba un misil biniendo for di Iran.
No laga cos atras
Pa Suecia, e pais cu a yena nos casnan cu mueblenan di IKEA, pero tambe a bin cu e concepto di “limpiesa di morto”—deshaci di cosnan mientras bo ta bira mas bieu lo yuda bo sernan keri ora bo fayece.
Margareta Magnusson, e autor cu a hiba e idea na escenario global cu e buki bestseller, “The Gentle Art of Swedish Death Cleaning: How to Free Yourself and Your Family from a Lifetime of Clutter”, a fayece e siman aki cu tur e ligereza cu el a promove.
“si bo bay su cas, semper bo a bay cas back cu algo,” su yiu muher Jane a bisa. “Bo mester tin cuidao di no bisa, ‘e cusinchinan aki ta bunita’ pasobra e ora e ta purba di duna bo e,” el a bisa den hari.
Danki na e limpiesa di su mama, “mi no mester haci nada,” Jane a bisa. “Mi mama no tabatin nada den kelder, nada den zolder” pero su cas tabata “hopi confortable si.”
