(AP)—Union Europeo (EU) lo relaha e sancionnan riba economia di Siria pero mantene esnan dirigi riba e regimen anterior di Assad, segun un top diplomaat di EU a bisa diamars.
Hefe di politica den exterior, Kaja Kallas, a papia despues di presidencia un reunion di ministernan di Asunto Exterior den e bloc. El a bisa cu e decision tabata diseña pa scapa pobresa y radicalismo den e pais despues di mas cu un decada di guera civil cu a obliga miyones pa huy, incluyendo pa Europa.
E sancionnan ta “condicion” y por resumi si e gobierno nobo di Ahmad al-Sharaa no mantene paz, Kallas a bisa. “Salba bida mester ta nos prioridad mas halto na Siria,” el a bisa.
E anuncia a bin un siman despues cu presidente Mericano Donald Trump a reuni cu al-Sharaa y su a anuncia cu Merca lo relaha su sancionnan riba Siria. E relahacion di sancion por trece e inversion cu Siria mester, un necesidad di dies biyones di dollar pa restaura su infrastructura kibra.
Un insurgencia fin di aña pasa a kita ex-presidente Sirio Bashar Assad for di poder y a trece un fin na e guera civil cu a destrui gran parti di e pais su infrastructura. E Organisacion di Nacionnan Uni (UN) a calcula cu 90% di Sirionan ta biba den pobresa y electricidad suministra pa e estado ta yega na e pueblo pa apenas dos ora tur dia.
Mas trempan, Kallas a reconoce e preocupacionnan tocante conflicto sectariano pero a bisa “nos no tin mas opcion” y mester relaha e sancionnan y stimula Siria su economia: “Sea nos ta duna nan e posibilidad pa stabilisa e pais of nos ta haci esaki y nos algo parecido Afganistan.”
Kallas a agrega: “No por tin paz sin e caminda pa recuperacion economico, y nos tur mester un Siria stabil.”
E no ta duna mas detaye tocante ki ora lo relaha e sancionnan. Pero un declaracion di e Conseho Europeo a bisa cu e lo mantene “sancionnan basa riba seguridad, incluyendo armanan y tecnologia cu por ser usa pa represion interno. Ademas, EU lo introduci mas medida restrictivo y dirigi contra violadornan di derechonan humano y esnan stimulando instabilidad den Siria.”
Sirionan a celebra riba caya den e pais despues di Trump su anuncio, y nacionnan Arabe cu ta hospeda miyones di refugiadonan cu a huy for di Siria a aplaudi esaki.
