E colaboracion bilateral entre Hulanda y Colombia a keda consolida mas aleu durante un bishita oficial di Vice-Almirante Colombiano Grisales, Hefe di Operacionnan Naval Colombia, haci na Defensa den Region Caribe y na Wardacosta Region Caribe.
Durante e bishita e lasonan entre ambos pais a keda consolida aun mas, tanto riba tereno di control di droga, operacionnan di buskeda y rescate y tambe entrenamento militar.
E Almirate Colombiano a haci un bishita di trabao na Base Naval Parera, tereno di entrenamento na Wacao, y riba Zr.Ms. Pelikaan, y a hiba combersacionnan cu representantenan di Wardacosta Region Caribe y Comandante di Forsanan Naval den region Caribe. Un topico importante durante e bishita tabata e continuacion y refuerso di e colaboracion.
Ambos pais ta subraya e interes di operacionnan conhunto, training y ehercicionan. E ehercicio recien di nomber Estribo na Colombia, durante cual mariniernan Hulandes y Colombiano a train hunto, ta ser mira como un ehempel exitoso di colaboracion operacional. Na cuminsamento di aña ya caba a eherce operacionnan conhunto. Pa cabamento di aña binidero a plania un ehercicio conhunto di Marina.
Un momento importante durante e bishita tabata e firmamento di un Acuerdo-SAR Operacional (Search and Rescue/Buskeda y Rescate) firma pa Comandante Walter Hansen. E acuerdo aki ta stipula procedura y liñanan di comunicacion fiho pa operacionnan SAR conhunto den areanan maritimo comparti of continuo.
Cu esaki e siguridad riba lama ta keda expandi y e colaboracion entre ambos pais ta keda formalisa.
E bishita ta subraya e confiansa mutuo y e esfuerso comparti pa seguridad maritimo den Region Caribe. Reino Hulandes y Colombia ta keda traha hunto intensivamente na un region mas sigur y stabiel.
