(AP) – Hong Kong su prome panda gigante naci localmente porfin a haya nomber y a keda introduci como Jia Jia y De De.
E nomber di e babynan, cariñosamente conoci den Chines como “ruman muhe grandi” y “ruman homber chikito,” a keda anuncia diamars den un ceremonia di Ocean Park, e parke tematico cu tin nan, nan mayornan y dos otro panda gigante cu a yega China aña pasa.
E nombernan aki tabata e sugerencianan gañado di e residentenan den un competencia di nombramento cu a genera mas di 37,500 entrada.
E caracter Chines “Jia” di e baby muhe su nomber “Jia Jia” ta carga un mensahe di sosten y tin elementonan di un famia y un sentido di gracia. E nomber ta personifica e prosperidad di famianan y e nacion ademas di e felicidad di e pueblo, e parke a bisa.
E caracter Chines pa “De”, e nomber di e baby homber, ta nifica exito, cargando e nificacion cu Hong Kong ta exitoso den tur cos. De tambe tin e mesun pronunciacion cu e caracter Chines pa virtud, segun e parke a informa, sugeriendo cu e pandanan gigante ta posee e virtud cu e pueblo di e pais ta balora.
