(AP) – Meta a yega un acuerdo di 20 aña pa sigura energia nuclear pa yuda cumpli cu e necesidadnan pa inteligencia artificial y otro necesidadnan di computer na compania propietario di Facebook.
E inversion cu Meta tambe lo expande e suministro di Constellation Energy Illinois us planta nuclear.
E acuerdo aki anuncia diamars ta marca e mas recien di e partnership nuclear mientras e uso di AI ta expande. Detayenan financiero i e acuerdo no a keda revela.
Constellation Clinton Clean Energy Center tabata den plan pa cera den 2017 despues di añanan di perdida financiero pero a salba despues di legislacion di Illinois cu ta establece un programa di credito di cero emision cu ta sostene e planta te cu 2027. E acuerdo aki ta drenta den efecto den juni di 2027, ora cu e estado su programa ta caduca.
Cu e yega di Meta, Clinton su energia limpi lo expande cu 30 megawatt, lo preserva 1,100 trabao local y trece un ganashi di 13.5 miyon dollar den ganashi di impuesto, segun e companianan. “Garantisa energia limpi y confiable ta necesario pa sigui avansa nos ambicionnan di AI,” Urvi Parekh, Meta su hefe di energia global a comenta.
Inversionnan cu ta surgiendo den e reactornan nuclear chikito ta bini durante un tempo unda companianan di tecnologia grandi ta enfrentando dos exigencia grandi: un necesidad pa aumenta nan suministro di energia pa AI y centronan di data, y entre otro necesidadnan, mientras tambe ta purba cumpli cu metanan di termino largo cu ta significantemente corta emision di gas berde.
Constellation, doño di e planta di energia nuclear Three Mile Island, a bisa den september cu e tin plan di restart e reactor pa asina gigante den tecnologia Microsoft por garantisa energia pa provee na su centronan di data. Three Mile Island, situa na Susquehanna River net pafo di Harrisburg, Pennsylvania, tabata e sitio di e nacion su pio accidente di energia nuclear den 1979.
Tambe, recientemente amazon a bisa cu e lo inverti den reactor nuclear chikito, dos dia despues di un anuncio similar di Google. Adicionalmente, Google a anuncia luna pasa cu e lo inverti den 3 proyecto di energia nuclear avansa cu Elementl Power.
Estadonan Mericano ta posicionando nan mes pa cumpli cu e industria di tecnologia su necesidadnan di energia como policymakers considerando subsidionan den expansion y poniendo obstaculonan regulatorio.
Aña pasa, 25 estado a aproba legislacion pa sostene energia nuclear avansa y legisladornan e aña aki a introduci mas di 200 proposicion cu ta sostene energia nuclear, segun e asociacion Nuclear Energy Institute.
Diseño di reactor avansa for di firmanan den competencia ta yenando e gobierno federal su mesa regulatorio mientras e industria ta elogia nan como un manera confiable y miho pa e clima pa cumpli cu exigencianan di gigantenan den tecnologia desespera pa podera e plataformanan di inteligencia artificial creciente.
Sinembargo, e ta tiki probable cu Merca lo por multiplica su produccion nuclear dentro di e proximo 25 aña, manera Cas Blanco kier. Merca tin falta di cualkier reactor di proximo generacion operando na nivel comercial y solamente 2 reactor grandi nobo cu a construi for di nada den casi 50 aña. E dos reactornan, na un planta nuclear den Georgia, a keda completa laat y por lo menos 17 biyon mas cu e presupuesto.
Amazon, Google y Microsoft tambe ta invirtiendo den tecnologianan solar y di biento, cual a haci electricidad sin produci emision di gasnan berde.
