(NLTimes) – Un video deepfake cu prome minister Dick Schoof ta usa pa estafadornan den avisonan riba Facebook pa promove un plataforma di inversion falso, Dutch Consumers’ Association (Consumentenbond) a adverti diamars.

E grupo defensor di derechonan a bisa cu e video, cual falsamente ta acusa gobiernonan di sosten y garantianan financiero, ta parti di loke ta haci esaki e prome posible campaña di fraude cu deepfake di escala grandi na Hulanda.

Den e video por mira Schoof, banda di reporteronan di NOS, presentando un iniciativa di inversion. E video fraudulento ta bisa cu De Nederlandsche Bank (DNB) ta garantisa tur transaccion y ta priminti ingeso stabil pa hogarnan via e plataforma. E declaracionnan aki, genera cu inteligencia artificial, ta completamente falso.

Segun Consumentenbond, e video a ser mira casi 250,000 biaha riba Facebook. Usuarionan cu click riba e aviso ta dirigi na un website falso cu ta diseña pa mustra manera esun legitimo di e outlet. Aki, ta pidi e usuarionan provee nan number di telefon y ta despues contacta pa individuonan cu ta gaña di ta conseheronan di inversion. E estafadornan ta pusha e victima pa haci un inversion di 250 euro y despues ta pone presion riba transferi cantidadnan mas grandi. Victimanan por perde miles di euro dentro di un corto tempo.

Sandra Molenaar, director di Consumentenbond, a bisa cu su organisacion ta alarma pa e metodo y escala di e estafa. “Nos ta profundamente preocupa cu e aumento di e tipo di fraude aki. E estafadornan aki ta usando inteligencia artificial pa manipula ambos audio y imagennan. E combinacion di individuonan conoci aki cu tecnicanan visual y promesanan financiero ta haci e video uno peligroso. Mientras cu no ta tur hende lo keda convenci cu esaki, personanan cu ta menos familiar cu media digital ta specialmente den riesgo. Nan por sufri perdidanan financiero y nos kier preveni esaki via nos advertencia.”

Consumentenbond a reporta e avisonan na Meta prome y a ricibi un contesta cu e reporte lo ser tuma na serio. Sinembargo, e avisonan aki te ainda ta activo. E organisacion a nota cu e estafa aparentemente ta origina for di un solo cuenta di promotor y a bisa cu e lo ta relativamente facil pa Meta por kita e contenido fraudulento. Molenaar a bisa cu Consumentenbond den varios ocasion a haci yamado na Meta pa tuma accion mas fuerte contra avisonan falso y lo sigui exigi un respuesta inmediato.

“Cada ora ta conta,” el a comenta.