(Reuters) – Tasa mensual di inflacion na Argentina a baha na su nivel mas abao den mas cu cinco aña na mei, segun datonan oficial a mustra diahuebs, agregando momentum na e impulso di presidente Javier Milei pa deshaci di prijsnan cronicamente halto na e pais.
Prijs durante e luna a aumenta apenas 1.5 porciento riba e luna prome, segun agencia nacional di estadistica, INDEC, bao di e calculacion di 2.0 porciento cu analistanan encuesta pa Reuters a pronostica.
Inflacion mensual no tabata asina abao desde mei di 2020, tempo cu hopi di e economia tabata paralisa pa lockdown di pandemia.
E datonan di inflacion aki ta esunnan mas abao te awo pa presidente libertario Milei, kende su politicanan economico a yuda baha inflacion di tres cifra y a inspira confiansa den inversionista y Fondo Monetario Internacional, cu recientemente a aproba un pakete di prestamo di $20 biyon.
Miembronan di team di Milei rapidamente a presenta e cifra como prueba cu agenda di e presidente, marca pa austeridad y recorte estatal, ta traha. “Tur cos ta bayendo segun plan,” segun Secretario di Finanzas, Pablo Quirno a bisa riba X.
“Ora tin un surplus fiscal y e imprenta ta baha velocidad, inflacion ta cay. Ta natural pa esaki sucede. E leynan fundamental di economia ta dicta esaki,” vocero di Milei, Manuel Adorni a agrega.
Den ultimo 12 luna te cu mei, prijs a aumenta 43.5 porciento, bahando for di e tasa di 47.3 porciento luna pasa, y bao di e tasa di 44.2 porciento pronostica pa analista.
Potret di AP.
