Ainda un chens realistico di atake terorista na Hulanda, coordinador di siguridad ta adverti

(NLTimes) – Ainda tin un chens realistico cu un atake terorista lo sosode na Hulanda, e Coordinador Nacional pa Seguridad y Contraterorismo (NCTV) a informa diamars den e relato semestral riba e asunto aki. Preocupacionnan anterior a ser ripiti den e informe, incluyendo cu hobennan por ser radicalisa rapidamente online pa gruponan extremista derechista y Jihadista.

E NCTV ta pone tur e menasanan terorista den un fila den e Dreigingsbeeld Terrorisme Nederland y despues ta basa e nivel di menasa riba esaki. Esaki por ta te abou cu nivel un (minimo) te na nivel cinco (critico). E nivel di menasa ta na nivel cuater actualmente.

Investigadornan di NCTV a mira cu Jihadistanan tambe ta activo online na Hulanda. Normalmente esakinan ta rednan di hombernan jong. E riesgo ta cu un di esakinan of un grupo chikito ta bira envolvi den atakenan terorista. NCTV tambe ta mirando desaroyonan similar di gruponan extremista di banda drechi.

Di otro banda, e menasa di rednan Jihadista mas bieu di hende cu ta topa otro fisicamente ta menguando. E menasa pa Europa Sirio y Somali di e grupo terorista ISIS tambe ta parce di a disminui por lo pronto, aunke e no a disparce. E rama Chechen y Dagestan di ISKP ainda ta purbando di realisa atakenan na Europa.

Solitarionan cu ta inspira pa ISIS tambe ta un menasa ainda. Hopi biaha nan ta comete atakenan cu ta resulta den hopi victima a pesar di ta facil pa haci.

Un menasa posibel diferente ta di e movemento anti-institucion, cu ta kere cu un grupo elite malvado ta conspira hunto contra civilnan regular. Segun NCTV, e grupo aki tambe ta contene cierto individuonan cu ta prepara pa usa violencia.

Cuidadanonan soberano ta un subgrupo importante di esaki, NCTV a bisa. Esaki ta personanan cu a bira leu for di sociedad y e estado di derecho democratico. Varios detencion di ciudadanonan soberano a ser haci siman pasa, cu arma y municion a ser haya durante e detencion.

NCTV tambe a informa cu nan a descubri cu extremistanan di gruponan anti-institucional y gruponan extremista di derecha tambe tabata den contacto cu Rusia. E investigadornan a bisa cu esaki ta un menasa pero cu e impacto riba Hulanda ta limita te cu awor.