(AP)—Un beer bruin di Alaska bibando den e Lake Superior Zoo na noreste Minnesota tin un djente canino nobo y silver despues di e prome procedura di e tipo aki conduci riba un beer.
Tundra, cual ta pisa 360 kilogram, a ser opera dialuna y ciruhanonan a instala un djente nobo—e djente canino dental mas grandi crea, segun e zoo. “Awor e tin un poco briyo den su sonrisa,” segun marketing manager di e zoo Caroline Routley a bisa diaranson.
E procedura di 1 ora a ser conduci pa Dr. Grace Brown, un dentista veterinario cu a yuda den un operacion riba e mesun djente dos aña pasa. Ora Tundra a herida e djente atrobe, a tuma e decision pa dun’e un djente nobo y mas fuerte. E djente traha di titanium, fabrica pa Creature Crowns of Post Falls na Idaho, a ser crea pa Tundra for di un casta di su djente traha di wax.
Brown ta planea pa publica un rapport riba e procedura den e Journal of Veterinary Dentistry mas despues den aña. “Esaki ta e djente mas grandi crea na mundo,” el a bisa. “E mester ta publica.”
Tundra y su ruman, Banks, ta bibando na Duluth zoo desde nan tabata tres luna bieu, despues cu nan mama a ser asesina.
Awor Tundra tin seis aña y, na haltura maximo riba su pianan patras, ta 2,4 meter largo. E tamaño so di e beer a rekeri un miembro di e equipo di respuesta arma di e zoo pa ta presenta den e camber—un pistol cerca di dje—si acaso e animal lanta durante e procedura, Routley a bisa. Pero e procedura a cana sin ningun problema, y awor Tundra ta back den su habitat, comportando y comiendo normal.
Otro equiponan veterinario no tabatin e mesun suerte, na 2009, un veterinario di zoo na Henry Doorly Zoo and Aquarium na Omaha, Nebraska, a sufri di heridanan severo riba su man ora el a conduci un chekeo medico riba un tiger di 90 kilogram.
E tiger tabata lantando for di su soño ora e veterinario a touch su mustashi, causando e tiger pa morde e man di e veterinario.
