(AP) – Mientras cu China su ekipo di futbol masculino no a genera hopi emocion den añanan recien, e ekiponan di robot a genera fanatico na Beijing basa riba e tecnologia di AI involucra mas cu cualkier habilidad atletico demostra.
4 ekipo di robot similar na ser humano a enfrenta den wega di futbol completamente autonomo, podera completamente pa inteligencia artificial diasabra anochi den China su capital, den loke a elogia como un prome pa China y un bista di World Humanoid Robot Games binidero, cual lo tuma luga na Beijing.
Segun e organisadornan, e aspecto clave di e wega tabata cu tur e robotnan participante tabata opera completamente autonomo usando strategia motiva pa AI sin cualkier intervencion of supervision di ser humano.
Ekipa cu sensor avansa, e robotnan tabata por a identifica e bala y nabega e veld cu agilidad.
Tambe nan tabata diseña pa lanta nan mes ora nan cay. Sinembargo, durante e wega, mester a baha varios for di veld carga, algo cu a agrega na e realismo di e experiencia.
China ta impulsando su esfuersonan pa desaroya robot podera pa AI, usando competencianan den deporte manera maraton, boxeo y futbol como un veld di bida real pa test.
Cheng Hao, fundador y CEO di Booster Robotics, e compania cu a provee e hungadonan robot, a bisa cu competencia di deporte ta ofrece e veld di test ideal pa robotnan di e tipo aki, yudando acelera e desaroyo di ambos algoritmo y e sistemanan integra.
Tambe el a enfatisa seguridad como un preocupacion clave den e aplicacion di e robotnan aki.
“Den futuro, nos por aregla pa e robotnan hungado futbol cu ser humano. Esaki ta nifica cu nos mester garantisa cu e robotnan ta completamente safe,” Cheng a bisa. “Por ehempel, un robot y un ser humano por hunga un wega unda gana no ta importante, pero interaccionnan defensivo y ofensivo ta tuma luga. Esaki lo por yuda e audiencia crea e confiansa y comprension cu robotnan ta safe.”
Booster Robotics a provee e hardware pa tur 4 ekipo universitario, mientras cu cada scol su ekipo di investigacion a desaroya y hinca nan propio algoritmo di persepcion, tuma decision, formacion di hungadonan y strategianan – incluyendo e variabelnan manera velocidad, forsa y direccion, segun Cheng.
Den e ultimo wega, Tsinghua University su THU Robots a derota China Agricultural University su ekipo Mountain Sea cu un puntuacion di 5-3, cual a gana e campeonato.
Mr. Wu, un sostenedor di Tsinghua, a celebra nan victoria mientras tambe el a elogia e competencia. “Nan (THU) a haci un bon trabao,” el a declara. “Sinembargo Mountain Sea tambe tabata impresionante. Nan a trece hopi sorpresa.”
China su ekipo di hende homber a logra un solo presentacion na Copa Mundial y ya caba a sali for di proximo aña su competencia na Canada, Mexico y Merca.
