(AP) – Prome Minister di Etiopia a bisa diahuebs cu un dam hidroelectrico controversial riba Riu Nilo awo ta completo, un logro grandi pa su pais den medio di un disputa cu Egipto tocante partimento equitativo di e awa.
Egipto tin hopi tempo ta opone e dam a causa di preocupacionnan cu e lo caba su parti di e awanan di e Riu Nilo. Egipto a referi na e dam, conoci como Grand Ethiopian Renaissance Dam, como un menasa existencial pa motibo cu e mundo Arabe su pais mas pobla ta depende casi completamente riba e riu pa provee awa pa agricultura y su mas di 100 miyon persona.
Negociacionnan entre Etiopia y Egipto durante e añanan no a resulta den un pacto, y preguntanan ta keda tocante con hopi awa Etiopia lo libera si un secura sucede.
E Prome Minister di Etiopia Abiy Ahmed, den su speech dirigi na legisladornan diahuebs, a bisa cu su gobierno ta preparando pa su “inauguracion oficial” den september. “Mientras cu tin esnan cu ta kere cu e mester keda stroba prome cu e momento ey, nos ta reafirma nos compromiso: e dam lo keda inaugura,” el a bisa.
Abiy a bisa cu su pais ta keda “comprometi pa garantisa cu nos crecemento no ta riba lomba di nos rumannan Sudanes y Egipcio. Nos ta kere den progreso comparti, energia comparti y awa comparti,” el a bisa. “Prosperidad pa un mester nifica prosperidad pa tur.”
Etiopia y Egipto tin varios aña purbando di yega un acuerdo tocante e dam di 4 miyon dollar, cual Etiopia a cuminsa construi den 2011. Tensionnan a causa di e dam, esun mas grandi den Africa, un tempo tabata asina halto cu algun observador tabatin miedo cu e dos pais lo caba den guera a causa di esaki.
Sinembargo Etiopia a gana e sosten diplomatico di e nacionnan manera Uganda, cas di un partnership regional di 1- pais cu aña pasa a firma un acuerdo tocante e uso equitativo di e recursonan di awa pa e Riu Nilo.
E acuerdo di e partnership aki, conoci como Nile Basin Initiative, a drenta na vigor den october sin cu Egipto of Sudan a ratifica esaki.
E dam, cerca di e frontera cu Sudan, a cuminsa produci energia den 2022. E proyecto ta anticipa di produci 6,000 megawatt di electricidad, cual ta doble di Etiopia su produccion actual y suficiente pa haci e nacion di 120 miyon un exportador di energia neto.
E dam ta situa alrededor di 500 kilometer west di e capital di Etiopia. E ta 1,800 meter largo y 175 meter halto, y tin sosten di un reservoir cu por wanta te hasta 74 biyon meter cubico di awa, segun e contratista principal.
Etiopia ta insisti cu e dam ta un desaroyo crucial cu lo yuda saca miyones di ciudadano for di pobresa y bira un exportador di energia grandi. No tabata inmediatamente posible pa haya un comentario fir di Egipto, cual tin hopi tempo ta eclara su derechonan na awa di e riu segun terminonan di un acuerdo di era colonial.
E acuerdo entre Egipto y Reino Uni a duna Egipto y Sudan derecho na e awa di e riu, cu Egipto tumando e mayoria.
E acuerdo aki, firma prome den 1929, no a tuma na cuenta e otro nacionnan na e riu cu a exigi un acuerdo mas equitativo.
