(AP) — Astronomonan ta monitoreando un obheto cu ta biniendo nos caminda cu por a pasa for di un otro sistema di strea.
Cientificonan a descubri loke por ta solamente e di tres obheto interestelar conoci pa pasa door di nos sistema solar, e Agencia Espacial Europeo a bisa diaranson.
E obheto inofensivo actualmente ta cerca di Jupiter shen miyones kilometer leu y ta moviendo den direccion di Marte, pero e no mester yega mas cerca di solo cu esey, segun cientifico.
Ta mucho pronto pa sa si e obheto, designa pa awor como A11pl3Z, ta un asteroide di piedra of un cometa di ijs, of con grandi y ki forma e ta. Mas observacion ta necesario pa confirma su origen. NASA a bisa cu e ta vigilando e situacion.
Astrofisico Josep Trigo-Rodriguez di e Instituto di Ciencia Espacial cerca di Barcelona, Spaña, ta kere cu e ta un obheto interestelar basa riba su trayecto straño y velocidad extremo cu ta corta door di e sistema solar. E ta calcula su tamaño na mas o menos 40 kilometer di largura.
E prome bishitante interestelar confirma tabata na 2017. El a ser yama Oumuamua, Hawaiano pa ‘scout’, nombra pa e observatorio na Hawaii cu a descubri esaki. Clasifica na prome instante como un asteroide, Oumuamua a mustra señalnan di ta un cometa.
E di dos obheto confirma di a desvia for di un otro sistema di strea pa bin den nos direccion ta 21/Borisov, descubri na 2019 y posiblemente un cometa.
