Dialuna, dia 30 di juni, e Presidentenan di Parlamento di Sint Maarten, Corsou y Aruba a tene un reunion Tripartite na Corsou.
E reunion aki, cu e Presidente di Parlamento di Sint Maarten, señora Sarah A. Wescot-Williams a inicia, a sirbi como plataforma pa discuti diferente topico importante entre señor Fergino Brownbill, Presidente di Parlamento di Corsou y señor Alfred Marlon Sneek, Presidente di Parlamento di Aruba.
Durante e reunion, e Presidentenan a discuti continuacion di e reunionnan Tripartiet y di IPKO como tambe e regulacion di disputa (geschillenregeling) cu ta den concepto. Nan a explora manera pa intensifica cooperacion regional na nivel parlamentario y pa mehora colaboracion den comite parlamentario entre e tres Parlamentonan.
E reunion a sigui cu un almuerzo ofreci door di President Señora Wescot-Williams.
