(AP) – Duane “Keffe D” Davis, ken ta wardando huicio den e asesinato di e icono di rap Tupac Shakur den 1996, a perde un intento pa haya huicio nobo den un caso separa di agresion conecta na un pelea den prison.
E decision aki a yega diaranson despues di un audiencia tenso na corte di Las Vegas cu a enfatisa e status di perfil halto di e acusado y su huicio binidero den un di hip-hop su crimennan mas confirma.
E huradonan cu a condena Davis di agresion den e pelea den prison tabata riba podium di testigo diaranson. Un pa un, cada un di nan a nenga e acusacionnan di Davis su yiu homber y un homber cu ta describi su mes como reportero cu nan a tende un di e huradonan papia tocante e caso di agresion durante break prome cu deliberacionnan.
Ambos Davis su yiu homber, Duane Davis Jr., y e reportero Richard Bond, a testigua diaranson tocante tende e hurado su comentario den hang pafo di e sala di corte riba e dia final di e huicio di 2 dia den april.
“E dos testigonan si tin relacion y un preferencia ademas di motibo pa testigua den un cierto manera, sea conscientemente of no,” Clark County district su hues Nadia Krall a bisa mientras e tabata describi su decision for di su asiento.
A keda revela diaranson ora cu fiscal Marc DiGiacomo a cuestiona e hombernan por separa cu nan ta considera otro amigo, cu Bond tabata mandando placa na ambos Duane Davis y su yiu homber, y cu Bond a conseha pa nan despedi nan abogado, Carl Arnold. “Bo a yega di tuma les tocante etica di reportero?” DiGiacomo a puntra Bond. Na cual el a contesta, “No, mi no a yega di tuma les tocante etica di reportero.”
E pelea aki den december di 2024 den un sala comun a keda capta den video di seguridad. Fiscalnan a bisa cu Davis tabata escolta pa un oficial back na su unidad ora cu e y un otro homber a intercambia palabra y a cuminsa pleita. Arnold a bisa cu el a ser gara inesperadamente y a actua den defensa propio.
DiGiacomo, ken tambe ta persiguiendo Duane Davis den e asesinato di Shakur, a bisa despues di corte cu e no tabatin comentario. Un vocero pa Arnold su oficina tambe a nenga duna comentario.
Arnold a bisa den corte diaranson cu su cliente no a ricibi un huicio husto den e caso di agresion a causa di e hurado su comentarionan. E hurado mes a nenga esaki varios biaha mientras e tabata riba podium di testigo.
Diaranson su audiencia no tabata e prome biaha cu e credibilidad di esnan cu laso na Davis a ser cuestiona den corte.
Davis, e unico persona cu a yega di acusa den e morto di Shakur, a busca manera di ricibi libertad for di detencion poco despues di su detencion den september di 2023. Sinembargo un hues a rechasa su peticion, bisando cu e ta sospecha un cobertura di e fuente berdadero pa su liberacion bao fiansa.
Un ehecutivo di musica ofreciendo pa paga Davis su fiansa di 750,000 na e tempo aki a testigua cu el a obtene e placa di manera legal y tabata kier yuda Davis pa motibo cu semper e “tabata un persona monumental den nos comunidad.”
Sinembargo hues a bisa cu e tabatin duda edspues di a ricibi 2 carta identico for di un compania di entretenimento cu ta bisa cu Cash “Wack 100” Jones a transferi e placa como pago pa su trabao. Un carta tabata firma cu un nomber cu no tin conexion na e compania, e hues a bisa, mientras cu e otro tabatin un nomber skirbi fout y un adres cu tabata conecta na un consultorio di dokter.
Davis a declara su mes inoecnte na aesinato di prome grado. E ta acusa di orkestra e tiroteo fatal di Shakur casi 30 aña atras na un luz di trafico cerca di Las Vegas Strip.
Fiscalnan ta bisa cu e evidencia contra Davis ta fuerte, incluyendo su propio cuentanan di e tiroteo durante e añanan den entrevista y un memoir di 2019. Su huicio ta den schedule pa februari.
Shakur su fayecimento cu 25 aña di edad a bini despues di e lansamento di su di 4 album, “All Eyez on Me,” cual a keda den posicion halto, cu mas o menos 5 miyon copia bendi. Nomina 6 biaha pa un Grammy, Shakur te ainda ta considera grandemente un di e rapper mas versatil y influencial di henter historia.
