Recientemente, Oficina Central di Estadistica (CBS) a publica e Indice di Prijs di Consumo (CPI) pa luna di mei 2025. Den esaki, a nota cu e indice di “cuminda y servicio di catering” a aumenta cu 0.3 porciento.
E indice di “Cuminda & servicio di catering” a registra un aumento di 0.3% na Mei 2025, despues di a registra un reduccion leve di 0.02% na April 2025.
E indice di “Cuminda na cas” (0.2%) a registra un aumento, unda shete (7) di e diesun (11) indicenan di e gruponan di cuminda na cas a subi na Mei 2025.
E indice di “Fruta” a conoce e aumento di mas grandi (1.4%) na Mei 2025. Otro aumentonan significante a wordo registra den e indicenan di “Carni” (0.9%) y “Bebida no-alcoholico” (0.4%).
E reduccion mas grandi a wordo registra den e indice di “Batata, yuca y batata dushi” (-3.2%) na Mei 2025.
E indice di “Cuminda pafo di cas” a registra un aumento di 0.4% na Mei 2025. Na Mei 2025, “Cuminda na cas” y “Cuminda pafo di cas” como grupo, tabatin un aumento di prijs di 0.3% compara cu April 2025 y hunto tabatin un influencia 0.05 ppt riba e CPI, mientras cu e restante bienes y servicio hunto a experencia un reduccion di prijs di 0.4% y tabatin un efecto di -0.37 ppt riba e CPI.
