BYD ta habri su portanan pa Aruba! Cu modelonan di auto electrico elegante y sostenible

Diaranson anochi a tuma luga e ‘Grand Opening’ di BYD Aruba. BYD (Build Your Dream), cual ya a establece su mes como un lider di industria den electronica, automobil y energia sostenible, awor a expande nan experticio pa e mercado Arubano, ofreciendo clientenan un alternativa elegante y sostenible di automobil.

Tabata un anochi ameno, unda invitadonan a cera conoci cu e mundo di BYD, nan vision y e diferente modelonan cu ya ta disponible. Durante e evento grandioso aki, a cerca conoci cu e actornan importante di BYD Aruba, incluyendo Sr. Sudesh Manichand, Managing Director di Jolley Holding Aruba; Sra. Coco Lin, BYD Caribbean Regional Sales Manager y Sr. Gershom Oduber, Assistant Sales Manager di Ultimate Automobiles. Alabes a cera conoci cu e resto di team di Ultimate Automobiles, cual ta para pa ofrece clientenan nan experticio tocante e modelonan nobo di BYD.

Manera Sr. Manichand a afirma, e apertura di BYD Aruba ta lansa un capitulo nobo na Aruba den e movemento pa sostenibilidad. Ofreciendo un variedad sumamente competitivo, autonan BYD ta construi riba un standard di calidad halto, ofreciendo seguridad y efectividad, y diseña pa cumpli cu tur necesidad di cumprador di auto na Aruba.

Cu un vision ambicioso pa fria energia cu 1 grado, autonan BYD ta creando un ehempel pa e region pa loke ta esfuersonan den direccion di sostenibilidad.

Modelonan actualmente disponible ta inclui e autonan ‘hatch back’ di BYD, incluyendo e BYD Dolphin y BYD Dolphin mini. Tambe tin e ‘crossovers’ manera BYD Yuan Pro, BYD Yuan Plus y BYD Tang, cual ta un SUV di 7 asiento cu 500 horse power. Tambe nan tin diferente modelo di autonan sedan, manera e BYD Han y BYD Seal.

E BYD Sealion 7 ta particularmente popular. Completa cu dual motor y cu capacidad di 500km riba un solo carga, e modelo aki ta atractivo pa hopi cliente debi na su comfortabilidad y efectividad pa henter famia, incluyendo espacio amplio entre asientonan y bahul, asientonan cu airco construi den nan, pantaya grandi pa disfruta di entretenimento y hasta un skylight pa disfruta di un bista espectacular.

BYD Aruba ta cla pa trece nan experticio y servicio na amantenan di auto! BYD Aruba ta situa na Tanki Leendert 122 lot 2. Pa mas informacion por yama 583 9800, of manda email na info@ultimatearucar.com. Let’s build our dreams together!