(AP) – Un resultado preliminar di luna pasa su accidente di Air India a sugeri cu e aeronave su switch pa controla e gasolin a paga, cual a laga e motor sin gasolin y causando un falta di forsa den e motor poco despues cu a ???
E rapport, haci pa India su Aircraft Accident Investigacion Bureau riba diasabra, tambe a haya cu a tende un di e piloto den grabacion di cockpit ta puntra e otro dicon el a corta e gasolin den e vuelo su ultimo momento. E otro piloto a contesta cu e no a haci esaki.
E vuelo di Air India – un Boeing 787-8 Dreamlner – a accidenta dia 12 di juni y a causa e fayecimento di por lo menos 260 persona, incluyendo 19 na e sitio unda el a accidenta, na Ahmedabad. Solamente 1 pasahero a sobrevivi e accidente, cual ta un di India su pio desaster den aviacion.
E rapport a basa su resultadonan riba e data cu a recupera for di e avion su black box – un combinacion di data di e vuelo y grabacion di cockpit.
Aki ta sigui un splicacion tocante kico e ‘black box’ ta y kico nan por haci.
Kico ta un ‘black box’?
E grabacion di voz di cockpit y data di e vuelo ta hermentnan cu ta yuda e investigadornan reconstrui e eventonan cu a ta resulta den e accidente.
Nan tin un color oraño pa haci cu nan ta mas facil pa haya den medio di WRECKAGE, algun biaha den profundidad di lama. Usualmente ta instala esaki den e parti atras di un avion, cual ta considera e parti cu ta mas probable di sobrevivi di un aeronave, segun National Transportation Safety Board (NTSB) su website.
Kico e grabacion di cockpit ta haci?
E grabacion den e cockpit ta colecta transmision di audio den radio y zonidonan manera e bos di e piloto y zonido di e motor, segun NTSB su website.
Dependiendo riba kico a sucede, e investigadornan ta presta atencion na e zonido di e motor, advertencianan y otro zonidonan manera ‘click’ of ‘pop’, NTSB a bisa. Y cu e zonidonan aki, e investigadornan hopi biaha por determina e velocidad di e motor y e fracaso di algun sistemanan.
E investigadornan tambe por tende combersacion entre e piloto y empleadonan di cabina y e comunicacionnan cu control di trafico aereo. Expertonan ta haci un record detaya di e grabacionnan, cual por tuma te hasta un siman.
Kico e data di e vuelo ta haci?
E grabacion di data di e vuelo ta monitor e altitud di un avion, e velocidad y direccion segun NTSB. E factornan aki ta entre por lo menos 88 parametro cu e avionnan nobo mester monitor.
Algun por colecta e status di mas di 1,000 otro caracteristica, for di e posicion di e hala te e alarmanan di huma. NTSB a bisa cu e por genera un reconstruccion anima di e vuelo cu e informacion colecta.
Cua ta e origen di e ‘black box’?
Por lo menos 2 persona a ser credita cu e creacion di dispositivonan cu ta graba kico ta sucede den un avion.
Un ta e ingeniero di aviacion Frances Francois Hussenot. Den añanan 1930, el a haya un manera pa graba un avion su velocidad, altitud y otro parametronan, segun e website pa fabricante di avion Europeo Airbus.
Den añanan 1950, cientifico Australiano David Warren a haya e idea pa graba e cockpit, segun su obituario di 2010.
Warren tabata investigando e accidente di e prome aerolinea comercial, Cornet, den 1953, y a pensa cu e l ota util pa e investigadornan di e accidentenan pa tin un grabacion di bos den e cockpit, Australian Department of Defence a bisa den un declaracion despues di su fayecimento.
Warren a disena y construi un prototipo den 1956. Pero el a tuma varios aña prome cu e oficialnan a logra compronde con valioso e dispositivo ta y a cuminsa instala nan den aerolineanan comercial na nivel mundial.
Dicon e nomber ‘black box’?
Algun a sugeri cu esaki ta bin for di Hussenot su dispositivo pa motibo cu el a usa film y “continuamente tabata den un caha unda luz no por a drenta, di aki e nomber ‘black box,’ segun Airbus, cual a nota cu oranjo tabata e caha su color scogi for di comienso pa haci esaki facil di haya.
Otro teorianan ta inclui cu e cahanan ta bira preto ora nan kima den e accidente, Smithsonian Magazine a skirbi den 2019.
Media ta sigui usa e termino, e revista a skirbi, “a causa di e sentido di misterio cu esaki ta trece despues di un desaster aereo.”
