(AP)—E prome bishitantenan di e Stacion Espacial Internacional di India, Polonia y Hungria ta rumbo pa Tera dialuna, clausurando un mision priva y garando lift for di SpaceX.
Nan capsula a kita for di e labotario den orbito y tin intencion pa aterisa pa su mañan den e Pacifico cerca di e costa di Southern California.
E mision cortico y privadamente financia a marca e prome biaha den mas cu 40 aña unda India, Polonia y Hungria a mira un di nan mesun raket den orbito. E tres astronaut a ser compaña pa e piloto espacial mas experencia na Merca, Peggy Whitson, ken ta traha pa Axiom Space, cual a organisa e vuelo aki. Nan a lansa for di e Kennedy Space Center di NASA dia 25 di juni.
Shubhanshu Shukla di India, Slawosz Uznanski-Wisniewski di Polonia and Tibor Kapu di Hungria a conduci decenas experimento durante nan estadia. Tambe nan a haci yamadanan cu e prome ministernan di nan pais y muchanan di scol.
“Nos lo comparti e mensahe den nos paisnan cu e cosnan aki ta den nos alcance. E cosnan aki ta posible hasta pa paisnan mas chikito manera nos,” Kapu a bisa durante e ceremonia di dispidido diadomingo, cual a caba den un abraso emocional den grupo.
Shukla a nota cu “e ta di berdad un milagro” ora humanidad bin hunto pa un meta comun. “E shelo no ta e limite mas. Nos por explora espacio,” Uznanski-Wisniewski a agrega.
Uznanski-Wisniewski a tuma orguyo special den e prome pierogies den espacio. El a hiba cune dumplings yena cu kool y mushroom, cual el a ‘freeze-dry’ prome pa cushina esaki mas facil den cero gravedad.
E tres pais a comparti e costo di e mision, pagando mas di 65 miyon dollar cada un. Esaki tabata Axiom su di cuatro biahe pa e stacion desde 2022. E clientenan di e compania basa na Houston, Texas, ta inclui esnan rico como tambe paisnan buscando representacion den espacio. NASA ta encurasha biahe espacial comercial, yudando pa crea e escenario pa stacionnan espacial priva cu actualmente ta den construccion pa Axiom y otronan, como tambe raketnan pa e luna.
E siete residentenan full-time di e stacion a keda atras den orbito, representando Merca, Rusia y Hapon. Cuatro di nan lo ser reemplasa aki par siman pa un tripulacion nobo lansa pa NASA cu asistencia di SpaceX. “Biahenan sigur pa e miho planeta den nos sistema solar,” Anne McClain a bisa mientras e tripulacion priva a sali.
