(NLTimes) – E reunion di conseho di ciudad di Utrecht diahuebs anochi a sali for di man ora cu un mocion pa boycott Israel a ser rechasa. Alcalde Sharon Dijksma a escolta un grupo di manifestantenan pro-Palestina cu a stroba e reunion y a termina den un altercacion fisico, RTV Utrecht a informa.
E conseho di ciudad a papia tocante un mocion di un ciudadano pa boycot productonan y organisacionnan Israeli, mirando e atakenan continuo di e pais y hamber di e poblacion Palestino di Gaza. Ora cu a sali na cla cu e mocion no a pasa, e manifestantenan a bira fuerte y agresivo.
Dijksma a suspende e reunion y a pidi e manifestantenan pa bay. Ora nan no a hacie, el a dicidi di escolta nan pafo su mes. Cu algun contacto fisico, el a hiba e grupo pafor. “Mi a pensa: lo yuda si mi cana cu nan,” Dijksma a bisa e emisora local despues. “Si mi laga polis maneha esey, cosnan lo ta mucho menos suave.”
Pafor, e situacion a escala den un altercacion fisico ora cu e alcalde a purba di bay paden back.
Su personal di seguridad a sac’e y a hib’e cu auto. Dijksma a regresa na e sala di conseho door di un entrada patras pasobra e manifestantenan tabata blokeando e entrada regular ainda. El a reanuda e reunion di conseho mas o menos 30 minuut despues.
Dijksma a yama e incidente “hopi intenso.” El a bisa cu e ta comparti e dolor y frustracion cu e hendenan ta sinti cu ta protesta contra e regimen di Israel. El a menciona un amigo Sirio cu a haya sa mas tempran diahuebs cu su cuñado a ser mata.
“Esey no ta laga mi sin ser afecta,” Dijksma a bisa. “Pero ser acusa personalmente di tin sanger riba bo man, mi ta kere, ta bay mucho leu y no ta apropia mas pa un debate manera esun cu nos mester ta teniendo hunto.”
