(NLTimes) – E docente di 53 aña cu a ser hinca pa un mayor na un musical di scol basico na Alblasserdam diaranson ultimo ta recuperando na cas. El a sali for di hospital diadomingo, Namens de Familie, un organisacion cu ta fungi como vocero di victimanan di crimen y calamidad, a bisa Rijnmond.
“E ta bayendo bon, pero obviamente e mester sigui haya hopi sosiego,” vocero Niels Dekker di Namens de Familie a bisa. “Despues di varios dia hopi estresante y intenso, Recep y su famia ta specialmente contento y alivia cu awor e por sigui cu su recuperacion na cas.”
E juffrouw di scol basico tabata tratando di kibra un discusion entre mayornan na centro cultural Landvast riba Haven na Alblassserdam ora cu un di e mayornan a hink’e. E tempo ey, e alumnonan di 8ste klas di scol basico Het Palet tabata interpreta nan tradicional musical di despedida den e sala.
Servicio di emergencia a hiba e docente cu urgencia pa hospital den condicion critico. Diahuebs atardi laat, polis a duna di conoce cu e ta stabiel y consciente atrobe.
Polis a detene tres homber pa e hincamento. Ainda nan ta den detencion.
