(NLTimes) – Compania di transporte Hulandes, NS tin planea pa haci un experimento den cual 75 di su propio personal di seguridad lo ser ekipa temporalmente cu baton. NS a entrega un peticion pa esaki na Ministerio di Husticia y Seguridad, e compania a bisa diahuebs.
E prueba tin como meta pa “investiga si e cargamento y uso di e baton cortico door di empleadonan di Safety & Service ta contribui na e efectividad y seguridad di e red.” Segun Itai Birger, director di seguridad social na NS, e empleadonan aki ta ser confronta mas y mas cu violencia y lesion. “Esaki ta conflicto cu e recursonan y autoridad cu nan tin pa haci nan trabao corectamente.”
Segun Birger, NS a tuma hopi medida caba pa mehora seguridad di empleadonan. “Nos mester explora tur recurso disponibel pa logra esaki. Na mes momento, ta un reto cu nos, como un compania di trein, awor ta ser forsa pa investiga e uso di baton tambe.”
NS ta emplea actualmente 680 empleado di Seguridad. Nan ta oficialnan special di aplicacion di ley y ta traha na stacion y riba trein. Nan ta autorisa pa aresta sospechoso, verifica identidad di hende, traha rapport y duna multa. Nan ta autorisa tambe pa usa forsa y boei. Nan ta bisti vest di seguridad y handschoen, y tambe un camara di curpa. Segun NS, e empleadonan aki “tin diferente opinion tocante si un baton ta apropia pa nan trabao.”
E autoridad di screening di Ministerio di Husticia y Seguridad, Justis, lo determina si mester permiti e experimento aki. E periodo di decision ta 13 siman. “Si e decision ta positivo, e prueba lo ser supervisa y evalua pa un instancia di investigacion externo,” NS a bisa, agregando cu e diseño exacto di e experimento mester ser determina ainda.
