Diaranson awor dia 30 di Juli, Club di dam Arowak ta cuminza cu un torneo di dam estilo nobo. E torneo aki, lo ta un torneo rapido di 5 minuut pa banda y cada hungador ta haya 3 seconde extra despues di cada set (Torneo Blitz). Torneo lo cuminza y termina e mes un anochi. Entregamento di premio lo tuma lugar despues di e ultimo rond.
Tur hungador ta start cu 8, 9 of 10 tickets dependiendo di e cantidad di participante.
Weganan ta wordo hunga segun sistema round robin, si tin 10 of menos hungador (Tur hungador ta topa otro 1 biaha). Si inscribi mas cu 10 participante, 7 rond di sistema Suiso lo wordo hunga unda ganadornan ta topa otro
Diferencia grandi aki ta cu si un hungador gana su partida, su contrincante mester entrega 1 ticket.
Den caso di empate, nada ta wordo entrega. Hungadornan ta haya suficiente ticket, cu si un hungador perde tur su weganan mes, e lo keda cu 1 ticket.
Despues di e ultimo rond, tur tickets ta bay den un tombola, y lo saka 3 ganador. Hungadornan cu a gana hopi wega, tin hopi tickets den e tombola y tin un chance mas grandi di bay cu e premio.
Un hungador por gana solamente 1 basket. Premionan ta 3 baskets.
Den caso e ganador di e torneo no a gana un basket, Club di dam ta ofrece e hungador aki 100 florin como troostprijs.
E torneo aki lo tuma lugar den Sun Plaza Mall lokaal 401-L (di 4 piso). Weganan lo start pa 7:00 di anochi.
Participacion ta gratis. Mester registra si promer cu dia 30 di juli na Mario Jansen cel. 699-8245 of na Octavio Croes cel. 594-5590. (Whatsapp of call). Nos ta pidi tur participante pata presente na Sun Plaza Mall promer cu 7:00pm (6:50pm) pa nos por cuminza na tempo.
