Cuerpo Policial ta informa; Dos detencion, arma di candela y droga confisca den Caya Luna

Ayera den oranan trempan di mainta, Unit Narcotica conhuntamente cu Team di Aresto a tene un entrada hudicial na un parcela den Caya Luna.

Durante e entrada hudicial a detene dos persona. Ta trata di e homber di inicialnan A.S.S. naci na Aruba di 28 aña y e muhe di inicial G.D.J.T. naci na Aruba di 25 aña.

Durante e entrada hudicial a confisca un arma di candela, municion y cantidad considerabel di droga (marihuana).

Pa cu e accion en cuestion varios departamento a yuda, entre otro, Polis Uniforma, Flex Team, BFTO, K-9 di KPA y K-9 di Duana.

Cuerpo Policial ta keda haci un apelacion na persona cu sa of a wak algo pa yama e tiplijn di Polis 11141. Bo ta keda anonimo.