Recientemente, Banco Central di Aruba (CBA) a publica su Quarterly Economic Bulletin cu resultado di e di dos kwartaal di 2025 (Q2 2025).
Surplus financiero di gobierno di Afl. 73.2 miyon den di dos kwartaal di 2024 a aumenta na Afl. 160.8 miyon den e kwartaal bao revision (chart 1).
Gobierno a registra Afl. 5.280,2 miyon den debe pendiente fin di juni 2025, compara cu Afl. 5.450,0 miyon na fin di juni 2024.
Operacion financiero
Entrada total di gobierno a expande cu Afl. 121,1 miyon na Afl. 594,9 miyon durante Q2 2025, compara cu Q2 2024 (chart 2). E crecemento aki ta resultado di un aumento den entrada di impuesto di Afl. 160,6 miyon y un reduccion den entrada no di impuesto di Afl. 39,6 miyon.
E aumento den entrada di impuesto tabata pa motibo di mas entrada di winstbelasting (+Afl. 149,4 miyon), omzetbelasting (+ Afl. 8,4 miyon), impuesto riba divisa (+Afl. 7,0 miyon), invoerrechten (+Afl. 5,5 miyon), y inkomstenbelasting (+Afl. 3,0 miyon).
Den contraste, entrada di loonbelasting (-Afl. 13,8 miyon) a baha.
Gasto total di gobierno a aumenta cu Afl. 33.4 miyon na Afl. 435.1 miyon durante Q2 2025, compara cu Q2 2024 (chart 2). E aumento aki a bin principalmente di mas gasto riba transferencia y subsidio (+Afl. 9,8 miyon), inversion (+Afl. 8,2 miyon), salario (+Afl. 8,0 miyon), y subsidio di salario (+Afl. 7,2 miyon).
Den contraste, ambos gasto riba bienes y servicio (-Afl. 0y9 miyon) y interes (-Afl. 0,4 miyon) a baha.
Gasto di gobierno relaciona cu salario a aumenta cu Afl. 16,0 miyon na Afl. 175,3 miyon durante Q2 2025. Den Q2 2025, e proporcion entre gasto relaciona cu salario y entrada di impuesto total a registra un caida di 8,5 punto porcentual, pa keda na 31,1 porciento, un reduccion for di e 39,6 porciento den Q2 2024 (chart 3).
Debe pendiente
Debe pendiente total di gobierno a baha cu Afl. 169,8 miyon (-3.1 porciento) na Afl. 5.380,2 miyon pa fin di juni 2025, compara cu fin di juni 2024 (chart 4). E reduccion aki ta resultado di menos debe domestico (-Afl. 172,9 miyon) y mas debe exterior (+Afl. 3,2 miyon).
E reduccion den debe domestico a bin di menos debe no-negociable di Afl. 146,4 miyon y menos debe negociable di Afl. 26,4 miyon. E reduccion den debe no-negociable a bin di menos debe no-negociable a largo plaso (-Afl. 132,1 miyon), como tambe menos debe no-negociable a corto plaso (-Afl. 14,4 miyon).
E reduccion den debe no-negociable a largo plaso tabata pa motibo di reduccion den pasivo a largo plaso pa APFA (-Afl. 67,3 miyon) y prestamo priva (-Afl. 63,7 miyon). E reduccion den debe no-negociable a corto plaso tabata principalmente pa motibo di menos otro debe a corto plaso (-Afl. 13,6 miyon).
E reduccion den debe negociable tabata atribui na reduccion den bon di tesoro (-Afl. 51,3 miyon) y certificado di prestamo cash (-Afl. 5,0 miyon), un aumento den bono di gobierno (+Afl. 29,8 miyon).
E aumento den debe exterior tabata causa principalmente pa un aumento den vorderingen di Merca (+ Afl. 181,1 miyon) y reduccion den vorderingen di otro pais (-Afl. 130,1 miyon) y vorderingen di Hulanda (-Afl. 47,6 miyon).
