(MSN) – Hues Frank Caprio, conoci mundialmente pa su compasion y humildad den corte, a fayece cu 88 aña di edad. E hues di Rhode Island, kende a ascende na fama internacional mediante clip comparti riba rednan social mustrando su maneho empatico pa husticia, a fayece despues di un bataya largo cu cancer di pancreas.
Apenas algun ora prome cu su morto, Caprio a post un mensahe emocional riba Instagram, gradiciendo su fanaticonan pa nan oracion. “Desafortunadamente, mi a haya un contratempo. Mi ta back den hospital awo y mi ta biniendo na boso un biaha mas pidiendo boso pa corda di mi den boso oracionnan un biaha mas,” el a bisa.
Den un declaracion, famia Caprio a comparti publicamente su morto pacifico, describiendo e como un homber cu tabata hopi fuerte den kere den bondad di hende. “Stima pa su compasion, humildad y un fe inkebrantable den bondad di hende, hues Caprio a toca bida di miyones a traves di su trabao den sala di corte y mas aleu. Su calides, humor y amabilidad a laga un marca permanente den tur cu a conoc’e.”
E famia tambe a record’e como un esposo devoto, welo, bisawelo y amigo, agregando cu su legado ta bay continua.
Caprio a keda diagnostica cu cancer di pancreas na november 2023, y a haci e anuncio publico riba Facebook. A pesar di e retonan, el a completa seis luna di kimoterapia y cinco ciclo di terapia di radiacion.
