(NLTimes) – Un campaña nacional di recaudacion di fondo pa seguridad di hende muhe, y un aumento den benta di producto di defensa personal, a bin despues di asesinato di Lisa, 17, for di Abcoude, halando atencion amplio na henter Hulanda.

Den apenas dos dia, e campaña “Nos ta reclama e anochi, laga muhenan bay cas sigur” (“Wij eisen de nacht op, laat vrouwen veilig thuiskomen”) a recauda mas di 120mil euro, excediendo abrumantemente e meta di 3.500 euro.

Fundador di e campaña, Danique de Jong, 29, a bisa cu e fondonan ta bay aumenta visibilidad mediante billboard digital riba autopista y pantaya, mientras ta sostene medida concreto pa seguridad di muhe.

De Jong, tambe miembro di e grupo feminista Dolle Mina, a bisa NOS cu “hopi biaha bo ta mira atencion pa e tema aki desaparece despues di un siman sin accion. Cu e campaña aki, mi kier atende e problema subyacente: cu nos sociedad hopi tempo atras a dicidi cu muhe ta bal menos cu homber. Ta ora pa esey cambia.”

Benta di producto pa defensa propio tambe a aumenta despues di morto di Lisa. Productornan ta reporta cu articulonan manera e X-Marker “smurfenspray” ta completamente sold out. Tin demanda halto pa e spray, cu ta crea un scuma blauw riba esun cu ta ataca pa duna e victima tempo pa huy.

René van Gemert, kende ta bende e spray, a bisa RTL Nieuws: “Den algun dia nos a caba henter nos stock di miles di unidad. Esey ta realmente lamentable. E motibo ta realmente lamentable. Loke ta pasando awo ta simplemente tratamento di sintoma. Muhenan no mester sinti cu nan mester cumpra e productonan aki pa sinti sigur riba caya. Cambio real ta necesario.”

Pliester spray, destina pa heridanan menor pero efectivo si us’e di cerca, tambe ta sold out tanto online como na tienda.

Adicionalmente, iglesianan Catolico na Amsterdam ta bay observa un momento di silencio pa Lisa, otro victima y cualkier persona menasa of ataca pa motibo di apariencia, rasa, sexualidad, religion of otro factor.

Deken Eric Fennis di Amsterdam a bisa: “Bao ningun circunstancia un muhe lo mester sinti insigur. Lamentablemente, esaki ainda ta sucede tur dia, algun biaha cu consecuencianan impactante manera femicidio. Esaki ta den contraste skerpi cu loke Evangelio ta siña y ta rekeri pa sociedad y iglesia tuma medidanan fuerte pa prevenie. Laga muhenan ta safe.”

Organisadornan tambe a desaroya materialnan di alcance destina na homber cu meta pa curasha sosten activo pa seguridad di muhe. Nan tin plan pa reuni cu experto, organisacion y lidernan politico pa desaroya solucion practico.