(Curacaochronicle)—Miembro di parlamento Ruthilda Larmonie-Cecilia (PNP) a expresa preocupacionnan serio tocante e respuesta di prome minister Gilmar Pisas na a yegada di barconan naval di Merca cerca di Venezuela, parti di Washington su campaña contra trafico di droga y terorismo. Segun e parlamentario, e posicion di gobierno por tin consecuencianan duradero pa e pueblo di Corsou.
Larmonie-Cecilia ta argumenta cu e informacion duna pa Pisas no ta suficiente, lagando publico confundi y mal informa. Mientras un declaracion for di Raad van Ministers a acepta e presencia di barconan Mericano, e parlamentario ta mira un falta preocupante di discusionnan tocante posible conflicto humanitario—manera un aumento den migrante Venezolano buscando refugio na Corsou. El a adverti cu un scenario asina lo pone aun mas presion riba e cuido medico, educacion, y e mercado laborl.
E parlamentario tambe a expresa preocupacion tocante e riesgonan cue desaroyonan aki ta presenta pa seguridad y soberania di Corsou. El a acusa gobierno di evadi preguntanan crucial riba derecho humano y seguridad, yamando su acercamento un “actitud di no puntra, no bisa.” Segun Larmonie-Cecilia, presencia militar Mericano ta pone Corsou den un posicion geopolitico precario, particularmente mirando e rol di e Forward Operating Location (FOL) na Hato Airport.
Mientras tanto, presidente Venezolano Nicolas Maduro a describi e movementonan marina di Merca como un menasa, anunciando e mobilisacion di miyones miembro di milicia—un escalacion cu por sigui stimula tension regional.
