(NLTimes) – Sitio di musica na Utrecht TivoliVredenburg a dicidi di oficialmente prohibi bril cu tin camara. E incidente cu a causa esaki ta un homber cu a usa e bril aki pa graba hende muhe den baño na un festival di musica na Rotterdam luna pasa. Polis tambe a haya imagen di e homber ta secretamente graba bao di hende muhe su saya.
Tivoli ya caba a nenga un homber entrada fin di siman anterior pa motibo cu el a nenga kita su bril cu camara, pero no a oficialmente prohibi esaki ainda. “Nos ta incluyendo esaki den e reglanan di nso cas inmediatamente,” director Jeroen Bartelse a conta NOS. Segun su persona, esaki ta tocante seguridad publico. “Bril cu camara no ta fit cu esaki pa motibo cu otronan no ta realisa cu nan ta ser graba.”
E ta facil pa no ripara e brilnan aki si bo no ta buscando nan specificamente. Hopi biaha, un luz ta sende ora cu e bril ta grabando, pero e luz aki no semper ta claramente visible.
E guardianan di seguridad no a reconoce e bril inmediatamente, guardia di seguridad Rendel vn Heuvel, ken a traha e dia aki, a conta NOS. “Nos a ricibi reportahe di bishitantenan cu un homber ta frecuentemente mira hende muhe den baño.” Oficialnan di seguridad a detene e homber y a revisa su persona. “Ora cu nos a mira su cara di cerca, nos a ripara e bril.” E seguridad a haya suficiente grabacion di hende muhe ta drenta e baño, ademas di grabacionnan di bao e saya di hende muhe. Polis a confisca e bril.
Segun Bart Schermer, un profesor di privacidad y crimen cibernetico na universidad di Leiden, a bisa cu tecnicamente e ta permiti pa cana den espacionan publico cu camara den bo bril y graba. “E pregunta principal ta: Pa kico bo ta usando e, kico bo ta grabando y te na ki extento e persona cu ta ser graba ta al tanto?” el aconta NOS. Por ehempel, graba den un baño ta prohibi pa motibonan di privacidad. Pero si bo ta na un concierto y pa casualidad bo a ser graba, esaki si ta permiti.
