(NLTimes) – Den e “scenario mas ambicioso,” e euro digital por ser introduci na 2026, a bisa e minister di Financia interino Eelco Heinen na Copenhagen diabierna. Despues di un reunion cu su homologo di Union Europeo tocante e asunto, e minister di VVD a bisa “e contenido ta clave” pa cualkier introduccion asina.
Aunke e ministernan a alcansa un compromiso riba e asunto diabierna, varios asunto esencial ainda tin mester ser resolve prome cu Hulanda lo acepta e introduccion di e euro digital, Heinen a bisa ANP. Hulanda semper tabata dilanti di e debate di euro digital, el a continua.
“Desde e comienso, nos a establece un number di rekisito.” Privacidad mester ser garantisa, y e euro digital tambe mester por ser usa sin conexion di internet, asta den caso di un blackout di energia of internet. Adicionalmente, e euro digital mester “nunca ta programabel,” Heinen a agrega.
Si esey tabata e caso, e gobierno lo por dicta con hende ta gasta nan placa. “Esey lo ta un problema, y mi nunca lo acepta esey,” el a bisa.
“Un euro digital mester ta e mesun cos cu un euro regular. I cu un euro regular, nos no ta haci esey tampoco.”
Heinen recientemente a bisa cu tambe mester tin un limite riba cuanto euro digital un persona por tin den nan cartera digital. “Mi ta conduciendo e discusion aki den e perspectiva di stabilidad financiero. Pasobra no kier cu banconan comercial ser drena,” e minister a clarifica.
“E euro digital ta un medio di pago, no un medio di spaar. Nos no kier cu hende pone tur nan placa riba nan telefon. Esaki ta e motibo pakico nos tin banco comercial.” E haltura di e limite lo ser discuti mas adelante den e futuro cercano.
E euro digital eventualmente lo ser emiti door di e Banco Central Europeo (ECB).
